قىركۇيەكتە «جولاۋشىلار تاسىمالى» اكتسيونەرلىك قوعامى ۇيىمداستىرعان «Jibek Joly 5.0» تۋريستىك پويىزىنىڭ جاڭا ماۋسىمى باستالادى. 6 كۇنگە سوزىلاتىن ساپار بارىسىندا جولاۋشىلار الماتى – تۇركىستان – وتىرار – سامارقاند – بۇحارا – تاشكەنت – الماتى باعىتىمەن ءجۇرىپ وتەدى. ۇلى جىبەك جولىنىڭ بويىنداعى تاريحي, مادەني ورىندارمەن تانىسادى, دەپ حابارلايدى Egemen.kz.
داستۇرگە اينالعان ساپار اياسىندا «Jibek Joly» تۋريستىك پويىزى وسىمەن بەسىنشى مارتە جولعا شىعىپ وتىر. وسىعان دەيىنگى ماۋسىمداردا تۋرعا مىڭنان استام تۋريست قاتىسقان. پويىز جاڭا, جايلى, وتاندىق وندىرىستەن شىققان ۆاگونداردان قۇرالعان. ءىشى ۇلتتىق ناقىشتاعى ءداستۇرلى ويۋ-ورنەكتەرمەن بەزەندىرىلگەن. 5 ۆاگونى بار. ( 4 كۋپە جانە 1 مەيرامحانا ۆاگونى). باعىت قازاقستان مەن وزبەكستاننىڭ مادەني جانە تاريحي ورتالىقتارىن قامتيدى. التى كۇن ىشىندە تۋر قاتىسۋشىلارى قوجا احمەت ياساۋي كەسەنەسى, وتىرار قالاشىعى, بۇحاراداعى ارك قامالى مەن ليابي-حاۋز الاڭى, سامارقاندتاعى ءامىر تەمىر كەسەنەسى مەن رەگيستان الاڭى, تاشكەنتتەگى تولە بي كەسەنەسى مەن حازرەت يمام مەموريالدىق كەشەنى سياقتى ءىرى ساۋلەت جانە تاريحي ەسكەرتكىشتەردى ارالايدى.
تۋريستىك پاكەت قۇنىنا پويىزبەن جول ءجۇرۋ, كاسىبي گيدتەرمەن بىرگە جۇرەتىن تۋريستىك باعدارلاما, ەكسكۋرسيالار مەن تۋروپەراتورلار ۇيىمداستىرعان ترانسفەرلەر كىرەدى. تۋريستىك پويىز قتج كومپانياسىنىڭ باستاماسىمەن, «وزبەكستان تەمىر جولدارى», قر تۋريزم كوميتەتى, كولىك مينيسترلىگى جانە Kazakh Tourism قولداۋىمەن ۇيىمداستىرىلعان. «Jibek Joly» تۋريستىك پويىزىن ىسكە قوسۋ – تەمىرجول ءتۋريزمىن دامىتۋ جولىنداعى ماڭىزدى قادام. ول قازاقستان مەن وزبەكستان اراسىنداعى مادەني بايلانىستى نىعايتىپ, ءوڭىردىڭ تاريحي مۇراسىن كەڭىنەن ناسيحاتتاۋعا ىقپال ەتەدى.