2014 جىلى تامىز ايىندا كونكۋرستان عيمارات قۇرىلىسىن جۇرگىزۋدى «سىل» جاۋاپكەرشىلىگى شەكتەۋلى سەرىكتەستىگى ۇتىپ الادى. قۇرىلىستى جۇرگىزۋ ءۇشىن 826 614 334,56 تەڭگەگە كەلىسىم جاسالادى. قۇرىلىس 2015 جىلعى تامىزدا اياقتالۋى ءتيىس بولاتىن. تەندەردە كورسەتكەن ىقپالى ءۇشىن ماقسۇت قاليەۆ 13 ميلليون تەڭگەنى 1 تامىز كۇنى «Premium Palac» مەيرامحاناسى جانىندا مەردىگەر كاسىپورىن ديرەكتورىنان الدى. بىراق تۇتىلدى.
وسىلاي حالىقتىڭ ماڭداي تەرىمەن جيىلعان قازىنانىڭ قارجىسىن تۋ-تالاقاي ەتكەندەرگە دە ءبىر توسىلۋ بار ەكەن. مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگى قوستاناي وبلىسى بويىنشا دەپارتامەنتىنىڭ جەدەل-تەرگەۋ توبى الدىمەن ماقسۇت قاليەۆتى جانە گاگيك وۆنانياندى, ودان ءبىر كۇننەن كەيىن قوستاناي قالاسى اكىمىنىڭ تاعى ءبىر ورىنباسارى فرۋنزيك اراكەلياندى وسى ىسكە قاتىسى بار دەگەن كۇدىكپەن جۇمىس ۇستىندە ۇستادى. اكىمدىكتىڭ باسقا قىزمەتكەرلەرىنەن جاۋاپ الىندى. ماقسۇت قاليەۆ قىلمىستىق كودەكستىڭ 366-بابىنىڭ 3-ءبولىمىنىڭ 3-تارماعى بويىنشا اسا ءىرى كولەمدە پارا العانى ءۇشىن, گاگيك وۆنانيان 367-باپتىڭ 3-ءبولىمىنىڭ 2-تارماعى بويىنشا اسا ءىرى كولەمدە پارا بەرگەنى ءۇشىن ايىپتالادى. قوستاناي قالاسى اكىمىنىڭ ورىنباسارى ماقسۇت قاليەۆ پەن وعان پارا بەرگەن «سىل» كاسىپورنىنىڭ ديرەكتورى گاگيك وۆنانيان سوت سانكتسياسىمەن ەكى ايعا قاماۋعا الىندى.
ءنازيرا جارىمبەتوۆا, «ەگەمەن قازاقستان».
قوستاناي.