استاناداعى قىلمىستىق ىستەر جونىندەگى مامانداندىرىلعان اۋدانارالىق سوتتا 73,5 ميلليون تەڭگە كولەمىندەگى پارا ىسىنە قاتىستى ۇكىم جاريالاندى. سوت ءۇش ادامدى ج., ك. جانە و.-نى كىنالى دەپ تانىدى, دەپ حابارلايدى Egemen.kz.
2024 جىلدىڭ قىركۇيەك-قازان ايلارىندا جشس قۇرىلتايشىسى ك. مەملەكەتتىك ساراپتامادان وڭ قورىتىندى الۋ ءۇشىن دەلدال و. ارقىلى رەسپۋبليكالىق مەملەكەتتىك كاسىپورىن فيليالىنىڭ ديرەكتورى ج.-عا پارا بەرگەن. جالپى تالاپ ەتىلگەن سوما 73,5 ميلليون تەڭگە. سونىڭ ىشىندە 12,2 ميلليونى ناقتى بەرىلگەن.
ايىپتاۋشى تاراپ كۇدىكتىلەردىڭ كىناسىن ك.-نىڭ ءوزى بەرگەن جاۋاپتارمەن, كۋاگەرلەردىڭ سوزدەرىمەن جانە ساراپتاما قورىتىندىلارىمەن دالەلدەدى. پروكۋرور ايىپتاۋدى قولدادى. ال ايىپتالۋشىلار ءوز كىناسىن مويىنداعان جوق, قورعاۋشىلار ولاردى اقتاۋدى سۇرادى.
سوت ءار ايىپتالۋشىعا بولەك جازا تاعايىندادى:
ج. – 11 جىلعا باس بوستاندىعىنان ايىرىلدى (اسا ءىرى كولەمدە پارا الۋ);
ك. – 8 جىلعا سوتتالدى (پارا بەرۋ);
و. – 1 جىل 6 ايعا باس بوستاندىعىنان ايىرىلدى (دەلدالدىق جاساۋ).
بارلىق سوتتالۋشى ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرىلدى. ولاردىڭ جازاسىن جەڭىلدەتەتىن جاعداي رەتىندە — كامەلەتكە تولماعان بالالارىنىڭ بارى ەسكەرىلدى. جاۋاپكەرشىلىكتى اۋىرلاتاتىن ءمان-جايلار انىقتالعان جوق.
ۇكىم ازىرگە زاڭدى كۇشىنە ەنگەن جوق.