«ورلەۋ» بىلىكتىلىكتى ارتتىرۋ ۇلتتىق ورتالىعىنىڭ مالىمەتىنشە, جاڭا فورماتتاعى جوباعا ىرىكتەۋگە قاتىسۋ ءۇشىن 917 ءوتىنىم تۇسكەن, تەستىلەۋگە 5 پەداگوگيكالىق جوعارى وقۋ ورنىنىڭ تۇلەكتەرى قاتىستى, دەپ حابارلايدى Egemen.kz.
ۇمىتكەرلەر تەستىلەۋ بارىسىندا پاندىك ءبىلىم دەڭگەيىمەن قاتار, الەۋمەتتىك جانە ەموتسيونالدىق قۇزىرەتتەرى بويىنشا دا باعالانىپ, ۇزدىك ناتيجە كورسەتكەن 540 تۇلەكتىڭ ەلەكتروندى پورتفوليولارى career.orleu.edu.kz تسيفرلىق پلاتفورماسىنا جۇكتەلدى. پلاتفورما تەك «كەلەشەك مەكتەپتەرى» ديرەكتورلارى ءۇشىن قولجەتىمدى. وسىلايشا, ولار وڭىرلىك قاجەتتىلىككە, پاندىك باعىتقا جانە ۇمىتكەردىڭ كاسىبي دايىندىعىنا سايكەس پەداگوگتى ىرىكتەي الادى.
جاس پەداگوگتەردى ىرىكتەۋ جۇمىسى الداعى ۋاقىتتا دا جالعاسادى. اسىرەسە, بىلىكتى كادرلارعا سۇرانىس جوعارى وڭىرلەرگە باسىمدىق بەرىلەدى.