اقش پرەزيدەنتى دونالد ترامپ سيرياعا قاتىستى 2004 جىلدان بەرى قولدانىستا بولعان بىرقاتار سانكتسيالاردى توقتاتۋ جونىندە جارلىققا قول قويدى. بۇل شەشىم اق ءۇي تاراتقان رەسمي مالىمدەمەدە جاريا ەتىلدى, دەپ حابارلايدى Egemen.kz.
اقش اكىمشىلىگىنىڭ مالىمدەۋىنشە, بۇل قادام سيريانىڭ بەيبىتشىلىك پەن تۇراقتىلىققا باعىتتالعان ۇمتىلىسىن قولداۋ ماقساتىندا جاسالعان. پرەزيدەنت جارلىعى اياسىندا كەيبىر تاۋارلارعا سالىنعان ەكسپورتتىق شەكتەۋلەر جەڭىلدەتىلىپ, ەلگە كورسەتىلەتىن شەتەلدىك كومەككە قويىلعان توسقاۋىلدار الىنىپ تاستالدى.
سونىمەن قاتار, اقش بيلىگى سيريا ۇكىمەتىن يزرايلمەن قارىم-قاتىناستى رەتتەۋگە جانە حالىقارالىق لاڭكەستىككە قارسى كۇرەستى كۇشەيتۋگە ۇندەدى.
الايدا, ماسكەۋگە باس ساۋعالاعان سيريا پرەزيدەنتى باشار اساد پەن ونىڭ جاقتاستارىنا قاتىستى سانكتسيالار ءوز كۇشىندە قالاتىنى اتاپ ءوتىلدى.