بيىل قازاقستان بويىنشا قالالار مەن اۋىلداردا اۋىز سۋمەن جابدىقتاۋ جۇيەلەرىن سالۋ جانە جاڭعىرتۋعا 188 ميلليارد تەڭگە ءبولىندى. بۇل قاراجات رەسپۋبليكالىق بيۋدجەت پەن ارناۋلى مەملەكەتتىك قور ەسەبىنەن ءبولىنىپ, 445 جوبا اياسىندا يگەرىلىپ جاتىر, دەپ حابارلايدى Egemen.kz.
باعدارلاما شەڭبەرىندە ەلدى مەكەندەردە سۋ قۇبىرى جەلىلەرىن تارتۋ, رەكونسترۋكتسيالاۋ جانە كەڭەيتۋ جۇمىستارى قارقىندى ءجۇرىپ جاتىر. ۇزىندىعى 8,5 مىڭ شاقىرىمنان اساتىن جەلىلەر جاڭارتىلىپ, جاڭا نىساندار ىسكە قوسىلۋدا. سونىمەن قاتار, ءىرى قالالاردا سۋ تازارتۋ قۇرىلىستارى جاڭارتىلىپ, كەيبىرى تولىق اياقتالعان.
«استانا قالاسىندا قۇنى 118 ملرد تەڭگە بولاتىن سۋ سورعى-فيلتر ستانساسى سالىنىپ, ماگيسترالدىق سۋ قۇبىرى قايتا جاڭعىرتىلدى. اتىراۋدا 17 ملرد تەڭگە سوماعا سۇزگى ستانساسىن قايتا جاڭارتۋ جۇمىستارى اياقتالدى جانە قوستاناي مەن كوكشەتاۋدا سۋ تازارتۋ قۇرىلىستارىن جاڭعىرتۋ اياقتالۋعا جاقىن», دەپ حابارلادى ۇكىمەتتىڭ ءباسپاسوز قىزمەتى.
جوبالار حالىقتى ساپالى اۋىز سۋمەن قامتاماسىز ەتۋ, سۋمەن جابدىقتاۋ جۇيەلەرىنىڭ تۇراقتىلىعىن ارتتىرۋ جانە ينفراقۇرىلىمدى جاقسارتۋ ماقساتىندا جۇزەگە اسىرىلىپ جاتىر.