تاراز. 4 تامىز. تاراز قالاسى ىشكى ىستەر باسقارماسىنىڭ جەدەل باسقارۋ ورتالىعىنا 1982 جىلى تۋىلعان ازاماتشا حابارلاسىپ, «قاراسۋ» مولتەك اۋدانى ماڭىندا بەلگىسىز تۇلعا ونىڭ باعالى التىن القاسىن وزبىرلىقپەن موينىنان ج ۇلىپ اكەتكەنىن ايتىپ ارىزدانعان. بۇل تۋرالى egemen.kz ءتىلشىسى حابارلادى.
وقيعا ورىنىنا جەدەل جەتكەن ءتارتىپ ساقشىلارى جابىرلەنۋشىنىڭ كەلتىرگەن بەلگىلەرى بويىنشا ءجىتى ىزدەستىرۋ ناتيجەسىندە, 3 مينۋت ىشىندە 1987 جىلى تۋىلعان وبلىس ورتالىعىنىڭ جەرگىلىكتى تۇرعىنىن قۇرىقتادى. قۇنى 120 مىڭ تەڭگە تۇراتىن التىن القا يەسىنە قايتارىلدى
كۇدىكتى قىلمىسىن تولىق مويىنداپ, وعان قاتىستى قىلمىستىق كودەكستىڭ 191-بابى, 1-بولىمىمەن ءىس قوزعالدى. قازىرگى تاڭدا ونىڭ باسقا دا وسىنداي قىلمىستارعا قاتىسى بار-جوقتىعى انىقتالۋدا.
ورالحان ءداۋىت.
دەرەك: egemen.kz.
سۋرەت: automan.kz.