ەلىمىزدە ءورت ماۋسىمىنداعى قاۋىپسىزدىك شارالارى كۇشەيتىلدى

شىعىس قازاقستان وبلىسى اۋماعىندا 52 موبيلدىك توپ قۇرىلىپ, 390-عا جۋىق رەيدتىك ءىس-شارا جۇزەگە اسىرىلعان. قۇتقارۋشىلاردىڭ ايتۋىنشا, ءشوپتى رۇقساتسىز جاعۋ نەگىزگى قاۋىپتەردىڭ ءبىرى بولىپ وتىر. ورمانشىلار مەن تجد قىزمەتكەرلەرى بىرلەسىپ ورمان ماڭىندا پاترۋلدەۋدى كۇشەيتكەن. ۇشقىشسىز ۇشۋ اپپاراتتارى ارقىلى اەروۆيزۋالدى باقىلاۋ دا جۇرگىزىلىپ جاتىر. ناتيجەسىندە 73 ازامات ءورت قاۋىپسىزدىگى ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلعان.

«جامبىل وبلىسىندا ىشكى ىستەر جانە ازاماتتىق قورعاۋ ورگاندارىنىڭ قىزمەتكەرلەرى جەرگىلىكتى اتقارۋشى ورگانداردىڭ, ورماندى قورعاۋ قىزمەتتەرىنىڭ وكىلدەرىمەن بىرلەسىپ 16 موبيلدىك توپ قۇرىلدى. ولار ورمان القاپتارىندا 309 رەيدتىك ءىس-شارا وتكىزدى. سونداي-اق ەلدى مەكەندەردە پروفيلاكتيكالىق رەيدتەر, كوپقاباتتى ۇيلەردىڭ اۋلالارىندا ءتۇسىندىرۋ جۇمىستارى, بالالارعا ارنالعان اشىق ەسىك كۇندەرى جۇرگىزىلەدى. رەيد ناتيجەسىندە ورماندى دالا ايماقتارىندا ءورت قاۋىپسىزدىگى ەرەجەلەرىن بۇزعانى ءۇشىن 232 ادام اكىمشىلىك جاۋاپكەرشىلىككە تارتىلدى», دەپ حابارلادى توتەنشە جاعدايلار مينيسترلىگى.

ماڭعىستاۋ ءوبلىسىن ورت ءسوندىرۋ بەكەتتەرى قۇرىلىپ, 6 موبيلدىك توپ تاۋلىكتىك پاترۋلدەۋ جۇرگىزىپ جاتىر. توپتار قۇرعاق ءشوپ پەن قوقىستى رۇقساتسىز جاعۋ فاكتىلەرىنىڭ الدىن الىپ, تۇرعىندار اراسىندا ءتۇسىندىرۋ جۇمىستارىن جۇرگىزىپ كەلەدى. اپتا سايىنعى رەيدتەردىڭ قورىتىندىسى بويىنشا 5 قۇقىق بۇزۋشى اكىمشىلىك جاۋاپكەرشىلىككە تارتىلعان.

مينيسترلىك دالادا جانە ورمان القاپتارىندا دەمالعاندا قاۋىپسىزدىك ەرەجەلەرىن ساقتاۋ قاجەتتىگىن ەسكەرتەدى. وت جاعۋعا, قوقىس پەن قۇرعاق ءشوپتى ورتەۋگە تىيىم سالىنادى. بالالارعا وت پەن سىرىڭكەمەن ويناۋدىڭ قاۋىپتىلىگىن ءتۇسىندىرۋ ماڭىزدى. ءورت بايقالعان جاعدايدا 101 نەمەسە 112 نومىرىنە دەرەۋ حابارلاسۋ قاجەت.

تجم تۇرعىنداردى سەرگەك بولۋعا جانە ءورت قاۋىپسىزدىگى تالاپتارىن بۇلجىتپاي ورىنداۋعا شاقىرادى.