قوعامدى العا جەتەلەيتىن قاعيدات

ويتكەنى ولاردىڭ ءار شەشىمى – حالىقتىڭ ءال-اۋقاتىنا, قوعامنىڭ تۇراقتىلىعىنا, ەڭ باستىسى مەملەكەتتىڭ بولاشاعىنا تىكەلەي اسەر ەتەدى. ياعني مەملەكەتتىك قىزمەتشىلەردىڭ زاڭ مەن ءتارتىپ قاعي­داتىن ۇستانۋى – تەك قىزمەتتىك مىندەت ەمەس, بۇل قوعامدىق سەنىمدى اقتاۋدىڭ, ادىلەتتىلىك پەن تۇراق­تىلىقتىڭ كەپىلى. سول سەبەپتى سالادا كاسىبي­لىك­پەن قا­تار ادالدىق, جاۋاپكەرشىلىك جانە قوعامعا شىنا­يى جاناشىرلىق اسا ماڭىزدى. وسىنداي قاسيەت­تەر­دى بويىنا سىڭىرگەن ماماننىڭ ءبىرى – ۆالەري سوسەنكو.

ەڭبەك جولىن 1987 جىلى قاراپايىم زووتەحنيكتەن باستاعان ول بۇگىندە مەڭدىقارا اۋدانىنا قاراستى پەرۆوماي اۋىلدىق وكرۋگىنىڭ اكىمى قىزمەتىن اتقارىپ كەلەدى. تەك مىندەتىن اتقارۋمەن شەكتەلمەي, ۆالەري اۋىل تۇرعىندارىنىڭ مۇڭ-مۇقتاجىنا شىنايى جاناشىرلىقپەن قاراپ, ناقتى شەشىم قابىلداي الاتىن كوشباسشىلىق قابىلەتىن دە كورسەتىپ ءجۇر. بۇعان ءبىر جاعىنان مەملەكەتتىك قىزمەتتەگى 30 جىلعا جۋىق تاجىريبەسى سەپ بولىپ وتىر.

– كسرو قارۋلى كۇشتەرى قاتارىندا اسكەري بورىشىمدى وتەپ, ازاماتتىق پارىزىمدى ابىرويمەن ورىندادىم. كەيىن كىندىك قانىم تامعان جەرگە ماڭداي تەرىم دە تامسىن دەگەن نيەتپەن اۋىلعا كەلدىم. 1996 جىلعا دەيىن زووتەحنيك بولىپ ەڭبەك ەتىپ, سالانىڭ قىر-سىرىن تەرەڭ مەڭگەردىك. سول جىلدىڭ جەلتوقسان ايىندا كوپتىڭ قولداۋىمەن اۋىلدىق وكرۋگتىڭ اكىمى قىزمەتىنە تاعايىندالدىم. جالپى, قانداي جاعداي بولسىن, مەملەكەتتىك قىز­مەتتە وزگەرمەيتىن قاعيدالار بار. بۇل – ەڭ الدىمەن ەلىڭە دەگەن جاناشىرلىق, ادالدىق, جاۋاپ­كەر­شىلىك جانە قۇقىقتىق تۇرعىدان ساۋاتتى بولۋ. ال ىشكى ءتارتىپ پەن كاسىبيلىگىن تالابىڭدى وسىرمەسە, كەمىتپەيدى. قازىر – الەم دامۋى جاڭاشا سەرپىن الىپ, تسيفرلى تەحنولوگيا داۋرەن قۇرىپ تۇرعان شاق. دەسەك تە قوعامدىق باسقارۋ جۇيەسىندەگى قۇن­دى­لىقتار تەك تۇرلەنبەسە, تۇبەگەيلى وزگەرمەيدى. ال مەن اتاپ وتكەن قاسيەتتەر ەلدە زاڭ مەن ءتارتىپ قاعي­داتىنىڭ بەرىك ورنىعۋىنا نەگىز بولادى, – دەيدى ۆ.سوسەنكو.

تەڭ قۇقىق پەن ءتارتىپ ورناعان قوعامدا عانا دامۋ مەن ورلەۋ بولادى. ال بۇل جولدا كاسىبيلىك پەن جاناشىرلىق قاتار جۇرۋگە ءتيىس.