«انتيفرود» كۇدىكتىلەردى انىقتايدى

اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى ۇسىنعان دەرەككە سۇيەنسەك, مۇنايلى ءوڭىر ءجاسوسپىرىم-دەرى وتكەن جىلعى 3 ايدا 14 قىلمىس جاساعان. ال بيىلعى وسى كەزەڭدە كامەلەتكە تولماعاندار تاراپىنان 31 قىلمىس تىركەلدى. جاسوسپىرىمدەردىڭ 3 ءتۇرلى قىل­مىستى ءجيى جاساۋعا بەيىمدىگى انىقتا­لىپتى. بۇل – ۇرلىق, بۇزاقىلىق جانە توناۋ.

كەيىنگى ءبىر جىلدا اتىراۋ وبلىسىندا ينتەرنەت-الاياقتىق قىلمىسى كوبەيگەنى بايقالعان. پوليتسيا قىز­مەت­كەر­لەرى مۇنىڭ سەبەبىن ءۇش جايتپەن ­بايلانىستىرادى. بىرىنشىدەن, تۇرعىندار قارجىلىق ساۋاتىن ارت­تىرۋعا ءمان بەرمەيدى. ەكىنشىدەن, تسيفرلىق ساۋات­تىڭ تومەندىگى دە الاياق­تارعا ءتيىمدى بولىپ وتىر. ۇشىنشىدەن, مۇنايلى وڭىردەگى تابىس دەڭگەيىنىڭ جوعارى بولعانى الاياقتاردىڭ قىزى­عۋ­شىلىعىن تۋدىرادى.

«قازىر ينتەرنەت-الاياقتىققا قارسى ءۇشىن الدىن الۋ ءىس-شارالارى ۇدايى جۇرگىزىلەدى. وسى ورايدا پوليتسيا دەپارتامەنتى مەن 109 call-ورتالىعى اراسىندا بىرلەسكەن ءىس-شارالار تۋرالى مەموراندۋم جاسالدى. بارلىق ەكىنشى دەڭگەيدەگى بانككە ىشكى ىستەر ورگانىمەن الاياقتىق ترانزاكتسيالار تۋرالى اقپارات الماسۋعا جول اشقان «انتيفرود-ورتالىق» ونلاين پلاتفورماسى ىسكە قوسىلدى. بۇل پلاتفورمامەن ينتەرنەت-الاياقتار جاساعان قىلمىستار, جابىرلەنۋشىلەردەن اۋدارىلعان قارجىنىڭ كىمنىڭ ەسەپشوتىنا تۇسكەنى تەز انىقتالادى. قارجىنى الۋشىنىڭ ەسەپشوتىن بۇعاتتاۋ ءۇشىن «انتيفرود-ورتالىق» پلاتفورماسىندا ۇسىنىستار جولداندى. مۇنداي ءىس-شارالار ينتەرنەت-الاياقتاردىڭ زاڭسىز ارەكەتىن جەدەل اشكەرەلەۋگە, جابىرلەنۋشىنىڭ قارجىسىن قايتارۋعا مۇمكىندىك بەرەدى», دەپ اقپارات بەردى ءباسپاسوز قىزمەتى.

وسىنداي الدىن الۋ ءىس-شارالارىنا قاراماستان الاياقتاردىڭ زاڭسىز ارەكەتى ءجيى قايتالاناتىن قىلمىستىڭ بىرىنە اينالىپ وتىر. اسىرەسە ينتەرنەت-الاياقتىق قىلمىسى وقتىن-وقتىن قايتا­لانادى. سونداي-اق ۇرلىق تا ءجيى جاسالادى. دەگەنمەن بىلتىرعىعا قاراعاندا, اۋىر قىلمىستاردىڭ قاتارى 11,2 پا­يىز­عا ازايعان.

«ماسەلەن, 2024 جىلى 536 قىلمىس تىركەلدى. بيىل جىل باسىنان بەرى تىركەلگەن 476 قىلمىستىڭ 339-ى اشىلدى. ال قالعان قىلمىستىق ىستەر بو­يىن­شا كەشەندى-تەرگەۋ امالدارى جۇر­گىزىلىپ جاتىر. وسىعان بايلانىستى ءتيىستى ساراپتامالار تاعايىندالىپ, پروتسەسسۋالدىق شەشىم قابىلداۋ ءۇشىن تەرگەۋ جالعاسادى», دەپ ناقتىلادى ءباسپاسوز قىزمەتى.

ىشكى ىستەر مينيسترلىگى ءتارتىپ ساقشىلارىنا ادام ءولتىرۋ قىلمىسىن جەدەل اشۋ مىندەتىن جۇكتەپ وتىر. سونداي-اق اۋىر قىلمىستاردىڭ الدىن الۋعا باسىمدىق بەرىلگەن.

«اتىراۋ وبلىسىندا قاساقانا ادام ءولتىرۋ قىلمىسىنىڭ الدىن الۋ جانە جەدەل-پروفيلاكتيكالىق ءىس-شارالارىن كۇشەيتۋ ماقساتى كوز­­دەلدى. وسىعان بايلانىستى وبلىس اكىمدىگىمەن 2024–2026 جىلدارعا ارنالعان جول كارتاسىنىڭ جوسپارى جاساقتالدى. ىشكى ىستەر مينيسترلىگىنىڭ 2023 جىلعى 28 جەلتوقسانداعى №943 بۇيرىعىمەن «ۇرلىقتارعا قارسى ءىس-قيمىل جونىندەگى 2024–2026 جىلدارعا ارنالعان باعدارلامانى ىسكە اسىرۋ جونىندەگى ءىس-شارالارى» جوسپارى بەكىتىلدى. قازىر وبلىستا قابىلدانعان ءىس-شارالاردىڭ ناتيجەسىندە قىلمىستىق قۇقىق بۇزۋشىلىقتىڭ تومەندەگەنى بايقالادى. ماسەلەن, دەنساۋلىققا اۋىر زيان كەلتىرۋ (54,8%, 31-دەن 14-كە دەيىن), زورلاۋ (70%, 10-نان 3-كە), بۇزاقىلىق (8,9%, 56-دان 51-گە), ۇرلىق (13,5%, 297-دەن 257-گە), ۇيالى تەلەفون ۇرلىعى (28,3%, 46-دان 33-كە), مال ۇرلىعى (60%, 15-تەن 6-عا), الاياقتىق (25%, 863-تەن 647-گە دەيىن), توناۋ (41,4%, 29-دان 17-گە), قاراقشىلىق (50%, 4-تەن 2-گە) قىلمىسى ازايدى», دەدى دەپارتامەنتتىڭ ءباسپاسوز حاتشىسى مەيىرىم ەرداۋلەت.

الايدا بۇل وڭىردە پوليتسيا قىز­مەت­­كەرلەرى ىزدەۋ سالعانىمەن, ءالى ۇس­تال­­ماعان كۇدىكتىلەر بار. ىزدەۋدە جۇر­گەن­دەر سانى – 33.

«جىل باسىنان بەرگى 4 اي 20 كۇندە ىزدەۋ جاريالانعان 59 كۇدىكتىنىڭ 26-سى ۇستالدى. كۇدىكتىلەردىڭ باسىم بولىگى الاياق­تىق جانە ۇرلىق قىلمىسىن جاسا­عانى ءۇشىن ىزدەستىرىلىپ جاتىر», دەپ مالىمدەدى ءباسپاسوز قىزمەتىنەن.

جۇرتشىلىقتى الاڭداتىپ وتىرعان جايتتىڭ ءبىرى – ەسىرتكى قىلمىسى. اتىراۋ وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى قۇتتىباي سادىقوۆتىڭ مالىمەتىنە سۇيەنسەك, بيىلعى 5 ايدا ەسىرتكىمەن بايلانىستى 59 قۇقىق بۇزۋشىلىق, ونىڭ ىشىندە 32 قىلمىس تىركەلگەن.

«زاڭسىز اينالىمنان جالپى سال­ماعى 29 كيلودان استام ەسىرتكى, اسا اۋىر ساناتقا جاتاتىن 3 كيلوعا جۋىق سينتە­تيكالىق ەسىرتكى زاتى تاركىلەندى. پولي­تسيا قىزمەتكەرلەرى جۇرگىزگەن جەدەل-ىزدەستىرۋ شارالارىنىڭ ناتي­جەسىندە زاڭسىز 2 فيتوزەرتحانا, ەسىرتكى تاسىمالداۋدىڭ 3 ارناسى جويىلدى. وزگە دە زاڭ بۇزۋشىلىقتاردى انىق­تاۋ ءۇشىن جۇرگىزىلگەن جۇمىستىڭ ناتي­جەسىندە اۆتوكولىكتى ەسىرتكىلىك ماس كۇيدە جۇرگىزگەن 17 ادام جاۋاپقا تار­­تىل­دى. وبلىس اۋماعىندا ەسىرتكى تاسى­­­مالداۋمەن اينالىسقان 14 كۇدىكتى ۇس­تال­دى. كۇدىكتىلەردىڭ التاۋى وزگە وڭىر­­لەر­دەن كەلگەنى, ال ەكەۋىنىڭ كوللەدج ستۋ­دەنتى ەكەنى انىقتالدى», دەيدى ق.سادىقوۆ.

كۇدىكتىنىڭ ءبىرى – قىزىلوردا وبلى­سى­نان كەلگەن 17 جاستاعى ءجاسوسپىرىم. ونى ءتىنتۋ كەزىندە قارا يزولەنتپەن ورال­عان 25 تۇيىنشەك تابىلدى. تۇيىن­شەك­­تىڭ ار­قاي­سىسىنا 1 گرامم اق ءتۇستى ۇنتاق سالىن­عان. ساراپتامانىڭ قورى­­تىن­دىسى­مەن اق ءتۇستى ۇنتاقتىڭ «الفا-PVP» سينتەتيكالىق ەسىرتكى ەكەنى دالەلدەندى. ەسىرتكىنىڭ جالپى سال­ماعى – 24,7 گرامم.

ال يندەر اۋدانىنىڭ 37 جاستاعى تۇرعىنىنان سالماعى 1 كيلودان اساتىن سين­تەتيكالىق ەسىرتكى الىندى. قازىر ۇس­تالعان ەكى كۇدىكتى قاماۋعا الىنىپ, قىلمىستىق ءىس قوزعالدى.

دەپارتامەنت باستىعىنىڭ ءبىرىنشى ورىنباسارى ءمالىم ەتكەندەي, پوليتسەيلەر ەرىكتىلەرمەن بىرگە ەسىرتكى سايتتارىن جارنامالايتىن 60-قا جۋىق گراف­فيتي جازباسىن جويعان. ينتەرنەت جەلى­سىنە مونيتورينگ جۇرگىزىلىپ, ەسىرتكى جارنامالاعان 332 سايت انىقتالعان. «انتيفرود» اقپاراتتىق جۇيەسىمەن كۇدىك تۋدىرعان 673 ەسەپشوت انىقتالىپ, ونداعى 30 ملن تەڭگە جۋىق قارجى بۇعاتتالىپ وتىر.

اتىراۋ وبلىسى