قىزىلوردا. 4 تامىز. قىزىلوردا وبلىسىندا العاشقى جارتىجىلدىقتا 5 مىڭنان استام جاڭا جۇمىس ورنى اشىلدى. جۇمىسسىزدىق دەڭگەيى 5 پايىزدى قۇرادى. بۇل تۋرالى egemen.kz ءتىلشىسى حابارلادى.
ونەركاسىپ كولەمىنىڭ جالپى تومەندەۋىنە قاراماستان, ءوندىرىستىڭ كەيبىر سالالارىندا ءوسىم بايقالادى. ەت-ءسۇت ونىمدەرىن ءوندىرۋ كولەمى ۇلعايعان, تۇرعىنداردىڭ تابىستارى مەن جەكە تۇلعالاردىڭ دەپوزيت كورسەتكىشتەرى دە ايتارلىقتاي ءوستى. وتكەن جىلدىڭ وسى مەرزىمىمەن سالىستىرعاندا قۇرىلىس سالاسىندا دا ءبىرشاما دامۋ بار. قازىرگى تاڭدا وبلىستا 23 مەكتەپتىڭ قۇرىلىسى جۇرگىزىلۋدە, ونىڭ ىشىندە 18 ءبىلىم ورداسىن بيىل اشۋ جوسپارلانۋدا. ودان بولەك, ءوڭىردىڭ ورتا ءبىلىم بەرۋ سالاسىنداعى وڭ وزگەرىستەردى ەرەكشە اتاپ وتكەن ءجون. ۇلتتىق بىرىڭعاي تەستىلەۋدى تاپسىرۋ كورسەتكىشتەرىن ايتارلىقتاي جاقسارتىپ, قىزىلوردا وبلىسى رەسپۋبليكادا 5-ورىن يەلەندى.
ەرجان بايتىلەس.
دەرەك: egemen.kz.
سۋرەت: قازاقپارات.