قر ەنەرگەتيكا مينيسترلىگىنىڭ ءىرى مۇناي-گاز جوبالارىندا جەرگىلىكتى قامتۋدى دامىتۋ مەن وتاندىق وندىرۋشىلەردى قولداۋعا باعىتتالعان جۇيەلى جۇمىسى اياسىندا 16–18 ماۋسىم كۇندەرى اتىراۋ قالاسىندا B2B-كەزدەسۋلەر تسيكلى ءوتتى, دەپ حابارلايدى Egemen.kz.
ءىس-شارا ەنەرگەتيكا مينيسترلىگىنىڭ باستاماسىمەن, ءونىمدى ءبولۋ تۋرالى كەلىسىمدەر بويىنشا ۋاكىلەتتى ورگان – «PSA» جشس جانە IMB ورتالىعىمەن بىرلەسىپ ۇيىمداستىرىلدى.
كەزدەسۋلەرگە قازاقستاندىق تاۋار وندىرۋشىلەر مەن ءىرى مۇناي-گاز وپەراتورلارى – تشو, كپو جانە نكوك وكىلدەرى قاتىستى. نەگىزگى ماقسات – بۇعان دەيىن قول قويىلعان ءوزارا تۇسىنىستىك مەموراندۋمدارى اياسىندا جەرگىلىكتى قامتۋدى ودان ءارى دامىتۋ.
B2B-فورمات تىكەلەي ديالوگ ورناتىپ, تاراپتار اراسىنداعى ارىپتەستىكتى نىعايتۋعا جانە مەموراندۋمدار اياسىنداعى ۋاعدالاستىقتاردى ناقتى ساتىپ الۋ كەلىسىمشارتتارىنا اينالدىرۋعا ءتيىمدى الاڭ بولدى.
بۇل باعىتتاعى جۇمىس الداعى ۋاقىتتا دا جالعاساتىن بولادى.