ەلىمىزدە ناشاقورلىق پەن ەسىرتكى بيزنەسىنە قارسى كەشەندى جۇمىس اتقارىلىپ جاتىر. بيىلدىڭ وزىندە 83 ەسىرتكى زەرتحاناسى جويىلىپ, اينالىمنان الىنعان ەسىرتكى زاتتارىنىڭ كولەمى 84 پايىزعا ۇلعايدى, دەپ حابارلايدى Egemen.kz.
«قازاقستاندا ەسىرتكى وندىرگەنى ءۇشىن بەرىلەتىن جازا قاتاڭداتىلدى. ءتىپتى, ءومىر بويى باس بوستاندىعىنان ايىرىلۋى مۇمكىن. بىراق بۇل سالاداعى جۇمىس ءالى دە تولىعىمەن بىتكەن جوق, تۇيتكىلدەر جەتكىلىكتى, شەشىلمەگەن ماسەلەلەر ەلىمىزدىڭ قاۋىپسىزدىگىنە, تۇراقتىلىعىنا سىن-قاتەر توندىرۋدە. بۇكىل قوعامدى الاڭداتىپ وتىرعان ەڭ قاۋىپتى ءۇردىس: جاستار ناشاقورلىققا ءۇيىر بولا باستادى. بۇل – ۇلكەن قاتەر, ونى جاسىرماۋىمىز كەرەك», دەدى پرەزيدەنت قۇقىق قورعاۋ ورگاندارىنىڭ كەڭەيتىلگەن القا ماجىلىسىندە.
مەملەكەت باسشىسىنىڭ ايتۋىنشا, قازاقستاندا كىرىستى جىلىستاتۋعا جانە تەرروريزمدى قارجىلاندىرۋعا قارسى كۇرەستىڭ حالىقارالىق وزىق ستاندارتتارعا ساي ءتيىمدى جۇيەسى قالىپتاستى. 2019 جىلدان بەرى ءجىو-دەگى كولەڭكەلى ەكونوميكانىڭ ۇلەسى 23 پايىزدان 16 پايىزعا دەيىن تومەندەدى. بىراق ءالى جوعارى دەڭگەي ساقتالىپ وتىر. مەملەكەت جاۋاپكەرشىلىگى مول ءارى ادال كاسىپكەرلەردى قورعاپ, قولداۋ بىلدىرەدى.
«مەنىڭ ارنايى تاپسىرمام بويىنشا باس پروكۋراتۋرا جالپى سوماسى 34 تريلليون تەڭگە بولاتىن شەتەلدىكتەردىڭ قاتىسى بار جۇزدەگەن ينفراقۇرىلىمدىق جوباعا قۇقىقتىق تۇرعىدان كومەك كورسەتىپ كەلەدى. الايدا وتاندىق بيزنەستى نەگىزسىز قىلمىستىق قۋدالاۋ ماسەلەسى تولىق شەشىمىن تاپقان جوق. باس پروكۋراتۋرا بۇل جۇمىستى جالعاستىرعانى ءجون», دەدى ەل پرەزيدەنتى.