19 ماۋسىم كۇنى پاۆلودار وبلىسىنىڭ اقسۋ قالاسىندا سوققان كۇشتى داۋىلدان كەيىن قالانى قالپىنا كەلتىرۋ جۇمىستارى قارقىندى جۇرگىزىلىپ جاتىر, دەپ جازادى Egemen.kz.
تابيعي اپات سالدارىنان 7970 ابونەنت جارىقسىز قالعان بولاتىن. قازىرگى تاڭدا تۇرعىن ۇيلەر مەن الەۋمەتتىك نىسانداردىڭ 97 پايىزىنا ەلەكتر قۋاتى قايتا قوسىلدى.
زاقىمدانعاندار قاتارىندا 61 كوپقاباتتى تۇرعىن ءۇي, 102 جەكە ءۇي, 16 الەۋمەتتىك مەكەمە مەن 48 ۇيىم بار. قاتتى جەلدىڭ سالدارىنان 250-دەن استام اعاش قۇلاعان. قالانىڭ تازالىعى مەن قاۋىپسىزدىگىن قامتاماسىز ەتۋ ءۇشىن كوممۋنالدىق قىزمەتتەر تاۋلىك بويى جۇمىس ىستەپ جاتىر.
قالپىنا كەلتىرۋ جۇمىستارىنا 1500-دەن استام مامان مەن 30-دان اسا ارنايى تەحنيكا جۇمىلدىرىلىپ, بۇگىنگە دەيىن 1700 توننادان استام قوقىس شىعارىلدى.
ءتيىستى قىزمەتتەر اپات سالدارىن تولىق جويۋ باعىتىندا جۇمىستاردى جالعاستىرىپ جاتىر.