ىشكى ىستەر مينيسترلىگى جۇيەسىندە "قۇقىقبۇزۋشىلىقتاردىڭ الدىن الۋ جىلى" دەپ جاريالاندى, دەپ جازادى Egemen.kz.
وسىعان بايلانىستى اسكەري-تەرگەۋ ورگاندارى اسكەر قاتارىندا قۇقىقبۇزۋشىلىقتاردىڭ الدىن الۋعا باعىتتالعان جۇمىستارىن كۇشەيتىپ, نەگىزگى نازاردى پروفيلاكتيكا مەن قۇقىقتىق تاربيەلەۋگە اۋداردى.
جىل باسىنان بەرى 1265 پروفيلاكتيكالىق ءىس-شارا وتكىزىلدى. ولاردىڭ قاتارىندا دارىستەر, اڭگىمەلەسۋ, سپورتتىق جارىستار جانە ساۋالنامالار بار. بۇل ءىس-شارالارعا 987 اسكەري ءبولىم مەن بولىنىستە 30 مىڭنان استام اسكەري قىزمەتشى قاتىستى. 2024 جىلدان باستاپ اسكەري پسيحولوگتاردىڭ بىلىكتىلىگىن ارتتىرۋ باعدارلاماسى ىسكە اسىرىلۋدا.
سونىمەن قاتار ۇلتتىق ۇلاندا پسيحولوگيالىق تەستىلەۋگە جاساندى ينتەللەكت جۇيەسى ەنگىزىلە باستادى. اتالعان جۇمىس تۇراقتى باقىلاۋدا جانە جۇيەلى تۇردە جالعاسادى.