قاراعاندى وبلىسىندا بيىل ءۇش شاعىن ونەركاسىپتىك ايماقتىڭ قۇرىلىسى اياقتالادى. بۇل تۋرالى وبلىس اكىمى ەرماعانبەت بولەكپاەۆ مونوقالالاردى دامىتۋ جونىندەگى كەڭەستە مالىمدەدى. ايماقتار ءىرى كاسىپورىنداردىڭ ماڭىندا ورنالاسىپ, شاعىن جانە ورتا بيزنەستى (شوب) قولداۋعا, سونداي-اق ينۆەستيتسيالار تارتۋعا باعىتتالعان, دەپ حابارلايدى Egemen.kz.
ايماق اكىمىنىڭ حابارلاۋىنشا, بۇل ايماقتار بيزنەستى دامىتۋعا, جاڭا وندىرىستەردى اشۋعا جانە تۇرعىنداردى جۇمىسپەن قامتۋعا سەرپىن بەرەدى.
سونىمەن قاتار مونوقالالاردى قولداۋ ماقساتىندا جالپى قۇنى 218 ملرد تەڭگە بولاتىن 22 جوبا جۇزەگە اسىرىلادى. بۇل باستامالار:
جەر تەلىمدەرىن بەرۋدى; ينجەنەرلىك ينفراقۇرىلىمدى دامىتۋدى; 1 000-عا جۋىق جاڭا جۇمىس ورنىن اشۋدى قامتيدى. «تەمىرتاۋدا ونەركاسىپ ينفراقۇرىلىمىن دامىتۋعا ەرەكشە نازار اۋدارىلادى, وندا «قارمەت سەرۆيس» بازاسىندا اۋدانى 20 مىڭ م2 ونەركاسىپتىك ايماق قۇرۋ جوسپارلانۋدا. بۇل باستاما وندىرىستىك قۋاتتى كەڭەيتۋگە جانە جاڭا جۇمىس ورىندارىن اشۋعا باعىتتالعان», دەدى ەرماعانبەت بولەكپاەۆ.