ارناۋلى مەملەكەتتىك قور ارقىلى بولىنگەن 318 ملرد تەڭگە ەسەبىنەن ەل كولەمىندە 400-دەن استام الەۋمەتتىك نىسان – ءبىلىم بەرۋ, دەنساۋلىق ساقتاۋ, سپورت جانە سۋمەن جابدىقتاۋ جوبالارى سالىنۋدا. بۇل باستاما مەملەكەت باسشىسىنىڭ تاپسىرماسى نەگىزىندە جۇزەگە اسىپ, ازاماتتاردىڭ ءومىر ءسۇرۋ ساپاسىن ارتتىرۋعا ناقتى ۇلەس قوسىپ وتىر, دەپ حابارلايدى Egemen.kz.
ەلىمىزدە زاڭسىز يەمدەنىلگەن اكتيۆتەردى مەملەكەت مەنشىگىنە قايتارۋ جۇمىستارى جالعاسۋدا. مەملەكەت باسشىسى قاسىم-جومارت توقاەۆتىڭ تاپسىرماسى بويىنشا بۇل قاراجات بۇكىل ەل بويىنشا جۇزدەگەن الەۋمەتتىك نىسان قۇرىلىسى مەن جاڭعىرتۋ جۇمىستارىنا جۇمسالادى.باستى نازار الەۋمەتتىك ماڭىزدى ينفراقۇرىلىمعا اۋدارىلادىقايتارىلاتىن قاراجات قارجى مينيسترلىگىنىڭ جانىنان قۇرىلعان ارناۋلى مەملەكەتتىك قورعا تۇسەدى.بۇگىندە جالپى سوماسى 318 ملرد تەڭگەنى قۇرايتىن 406 جوبا قارجىلاندىرۋعا بەكىتىلدى. سونىڭ ىشىندە 333 جوبا ىسكە قوسىلادى. ولاردىڭ قاتارىندا 9 ءبىلىم بەرۋ نىسانى, 3 سپورتتىق كەشەن, 162 دەنساۋلىق ساقتاۋ جوباسى جانە 159 سۋمەن قامتۋ جۇيەسىنە قاتىستى باستاما بار.
بارلىق جوبا مەملەكەت باسشىسىنىڭ الەۋمەتتىك ماڭىزى بار ينفراقۇرىلىمدى دامىتۋ جونىندەگى تاپسىرماسى اياسىندا جۇرگىزىلەدى. ءبىلىم بەرۋ نىساندارى ساپالى ءبىلىمنىڭ قولجەتىمدىلىگىن ارتتىرۋعا ىقپال ەتەدى. سپورت نىساندارى بۇقارالىق سپورتتى دامىتۋعا جانە سالاۋاتتى ءومىر سالتىن قالىپتاستىرۋعا باعىتتالعان.شالعايداعى ەلدى مەكەندەردە مەديتسينالىق كومەك كورسەتۋ ءۇشىن «اۋىلدا دەنساۋلىق ساقتاۋدى جاڭعىرتۋ» باعدارلاماسى اياسىندا مەديتسينالىق مەكەمەلەر قۇرىلادى. سۋ قۇبىرى جەلىلەرىنىڭ قۇرىلىسى 2025 جىلعا دەيىن ەلىمىزدىڭ بارلىق قالاسى مەن اۋىلىن 100% تازا اۋىز سۋمەن قامتاماسىز ەتۋدىڭ ستراتەگيالىق ماقساتىنا سايكەس كەلەدى, بۇل – حالىقتىڭ تۇرمىس ساپاسىن جاقسارتۋ جولىنداعى ماڭىزدى قادام.جاڭا قۇرىلىس نىساندارى بوي كوتەرەدىوڭىرلەردە قايتارىلعان اكتيۆتەر قاراجاتى ەسەبىنەن ءبىلىم بەرۋ مەكەمەلەرى, سپورت كەشەندەرى, دەنساۋلىق ساقتاۋ جانە سۋمەن جابدىقتاۋ نىساندارىنىڭ قۇرىلىسى بەلسەندى تۇردە جالعاسىپ كەلەدى.
استانادا ەسكى ستاديوننىڭ ورنىنا ق.مۇڭايتپاسوۆ اتىنداعى جاڭا ستاديون سالىنادى. جابىق سپورت عيماراتى مۇگەدەكتىگى بار ازاماتتارعا ارنالعان ورىنداردى قوسقاندا, 3598 ورىنعا ەسەپتەلگەن. قۇرىلىس UEFA حالىقارالىق ستاندارتتارىنا سايكەس جۇرگىزىلەدى.الماتىدا قايتارىلعان قاراجات ەسەبىنەن سۋمەن جابدىقتاۋ جۇيەسىن سالۋ بويىنشا 9 جوبا ىسكە قوسىلادى.
شىمكەنت قالاسىنداعى «سايرام كومەكشى مەكتەپ-ينتەرنات-كوللەدجى» كەشەنىنىڭ تاربيەلەنۋشىلەرى ءۇشىن قايتارىلعان قاراجاتقا 300 ورىندىق جاتاقحانا سالىنادى.شىعىس قازاقستان وبلىسىندا قايتارىلعان اكتيۆتەرگە اۋقىمدى جوبا جۇزەگە اسىرىلۋدا. مەملەكەت باسشىسىنىڭ تاپسىرماسى بويىنشا ارناۋلى مەملەكەتتىك قوردان گەماتولوگيا ورتالىعىنىڭ قۇرىلىسىن اياقتاۋعا قاراجات ءبولىندى. مەديتسينالىق مەكەمەدە 2 عيمارات: 148 ورىندىق ستاتسيونار جانە 24 توسەك-ورىندىق كلينيكانىڭ پاتسيەنتتەرىنە ارنالعان قوناق ءۇي جوسپارلانعان.باس عيماراتتا زاماناۋي مەديتسينالىق جابدىقتارمەن زەرتحانالار, رادياتسيالىق دياگنوستيكا, كارديولوگيا, كارديوحيرۋرگيا, گەماتولوگيا, سۇيەك كەمىگىن ترانسپلانتاتسيالاۋ جانە كۇردەلى سوماتيكا بولىمشەلەرى جابدىقتالادى. جاڭا ورتالىق ناۋقاستارعا ەمدەۋدىڭ جانە وڭالتۋدىڭ وزىق ادىستەرىنە قول جەتكىزۋگە مۇمكىندىك بەرەدى.سونىمەن قاتار قايتارىلعان اكتيۆتەر ەسەبىنەن وڭىردە تاعى 8 جوبا ىسكە اسىرىلۋدا, ونىڭ 2-ەۋى – دەنساۋلىق ساقتاۋ جانە 6-اۋى – سۋمەن جابدىقتاۋ سالاسىندا.
سولتۇستىك قازاقستان وبلىسىندا بۇگىندە ءوڭىردى سۋمەن جابدىقتاۋدى جاقسارتۋعا باعىتتالعان جوبالار جۇزەگە اسىرىلىپ جاتىر. ارناۋلى مەملەكەت قور قاراجاتى ەسەبىنەن سوكولوۆ, بۋلاەۆ جانە پرەسنوۆسكي توپتىق سۋ قۇبىرلارىن قايتا جاڭارتۋ, سونداي-اق كوكشەتاۋ توپتىق سۋ قۇبىرىنا قوسىلعان ايىرتاۋ اۋدانى مەن شال اقىن اۋىلدىق ەلدى مەكەندەرىنە جاڭا سۋ قۇبىرلارى مەن بۇرمالار سالۋ ءجۇرىپ جاتىر.قاراعاندى وبلىسىندا 7 اۋداندا 51 دەنساۋلىق ساقتاۋ وبەكتىسىن – دارىگەرلىك امبۋلاتوريالاردى, سونداي-اق فەلدشەرلىك-اكۋشەرلىك جانە مەديتسينالىق پۋنكتتەردىڭ قۇرىلىسى جوسپارلاندى.اقمولا وڭىرىندە تۇرعىنداردىڭ ءومىر ءسۇرۋ ساپاسىن ارتتىرۋعا باعىتتالعان 38 جوبا قولعا الىنىپ, دەنساۋلىق ساقتاۋ, سۋمەن جابدىقتاۋ جانە سپورت سالالارىن قامتىپ وتىر. قايتارىلعان اكتيۆتەر ەسەبىنەن ەكى مەديتسينالىق نىسان اشىلدى. ارشالى اۋدانىنىڭ ارناساي اۋىلىندا 2 مىڭنان استام ادامعا قىزمەت كورسەتەتىن دارىگەرلىك امبۋلاتوريا پايدالانۋعا بەرىلدى, ال بۇلاندى اۋدانىنىڭ التىندى اۋىلىندا فەلدشەرلىك-اكۋشەرلىك پۋنكت سالىندى. 1 مىڭنان استام ازاماتى بار ءۇش ەلدى مەكەننىڭ تۇرعىندارى ۋاقتىلى مەديتسينالىق كومەككە سەنە الادى.