قوعامدىق ءتارتىپتى ساقتاۋ جانە قىزمەتتىك مىندەتىن اتقارىپ جۇرگەن مەديتسينا قىزمەتكەرلەرىنە كۇش كورسەتۋ جاعدايلارىن بولدىرماۋعا ارنالعان ورتاق تۇجىرىمدامانى – دەنساۋلىق ساقتاۋ مينيسترلىگى ىشكى ىستەر مينيسترلىگىمەن بىرلەسىپ ازىرلەيدى. تۇجىرىمداما – مەديتسينالىق مەكەمەنىڭ قاۋىپسىزدىك تالاپتارى كورسەتىلەتىن مەديتسينالىق كومەكتىڭ ءتۇرى-دەڭگەيى مەن پاتسيەنتتەردىڭ اعىنىنا قاراي ازىرلەنەتىن بولادى, دەپ جازادى Egemen.kz.
قاراعاندىدا پاتسيەنتتىڭ تۋىسى تاراپىنان شابۋىلعا ۇشىراعان بالالار دارىگەرلەرىنە بارعان ساپارىندا دەنساۋلىق ساقتاۋ ءمينيسترى اقمارال ءالنازاروۆا:
«مەديتسينا قىزمەتكەرىنىڭ ءومىرى مەن دەنساۋلىعىنا قاۋىپ توندىرگەن ءاربىر ادام زاڭعا سايكەس قاتاڭ جازالانۋى ءتيىس. ەشبىر جاعداي مۇنداي ارەكەتتى اقتاي المايدى. ءاربىر دارىگەر, فەلدشەر, مەيىرگەر – ءبىز ءۇشىن قىمبات. ءبىز – ءبىرتۇتاس كوماندامىز. ءاربىر مامان ءوزىن قاۋىپسىز سەزىنۋى ءتيىس», دەگەن بولاتىن.
ايتا كەتسەك, سوڭعى 5 جىلدىڭ ىشىندە مەديتسينا قىزمەتكەرلەرىنە قارسى 160-قا جۋىق شابۋىل تىركەلىپ, سالدارلارىنان دارىگەرلەر ءتۇرلى دەڭگەيدە جاراقاتتار العان.