قازاقستان, قىرعىزستان, تاجىكستان, تۇرىكمەنستان جانە وزبەكستاننىڭ اسا ءىرى بۇقارالىق اقپارات قۇرالدارى بيىلعى 16 ماۋسىمدا قىتاي مەدياكورپوراتسياسىنىڭ «سي ءتسزينپيننىڭ سۇيىكتى قاناتتى سوزدەرى» (حالىقارالىق نۇسقاسى) تەلەجوباسىن كورسەتە باستايدى. جوبانى ىسكە قوسۋ قحر توراعاسى سي ءتسزينپيننىڭ قازاقستاندا وتەتىن «ورتالىق ازيا – قىتاي» ەكىنشى سامميتىنە قاتىسۋىنا ورايلاستىرىلعان.
«سي ءتسزينپيننىڭ سۇيىكتى قاناتتى سوزدەرى» تسيكلى (حالىقارالىق نۇسقاسى) قىتاي كوشباسشىسى حالىقارالىق ىنتىماقتاستىق, عىلىمي-تەحنولوگيالىق دامۋ, مادەني يننوۆاتسيالار جانە باسقا تاقىرىپتارداعى سويلەگەن سوزدەرىندە, ماقالالارى مەن اڭگىمەلەرىندە ەجەلگى قىتاي پوەتيكالىق جانە پروزالىق شىعارمالارىنان مۇقيات تاڭداپ قولدانعان ايگىلى ناقىلداردان تۇرادى. ول ورتالىق ازيا كورەرمەندەرىن قحر توراعاسى سي ءتسزينپيننىڭ مەملەكەتتى باسقارۋ تۋرالى يدەيالارىنىڭ تاريحي جانە مادەني استارىمەن تانىستىرۋعا, سونداي-اق قىتاي ستيلىندەگى جاڭعىرتۋدىڭ ءارتۇرلى قىرلارىن كورسەتۋگە ارنالعان.
سي ءتسزينپيننىڭ سۇيىكتى قاناتتى سوزدەرى – سي ءتسزينپيننىڭ جاڭا داۋىردەگى قىتايلىق ەرەكشەلىگى بار سوتسياليزم يدەيالارى مەن قىتايدىڭ عاجايىپ ءداستۇرلى مادەنيەتىنىڭ ۇيلەسۋى, قىتاي دانالىعىن, قىتاي كۇش-قۋاتىن جانە قىتاي ءستيلىن زاماناۋي جۇزەگە اسىرۋ كورىنىسى. تەرەڭ ماعىنا قاراپايىم تىلمەن تۇسىندىرىلەدى. ولاردىڭ نەگىزىندە قۇرىلعان وراسان زور, ءبارىن جان-جاقتى قامتىعان, اشىق جانە ينكليۋزيۆتى جۇيە جاھاندىق ماسەلەلەردى شەشۋدىڭ رۋحاني قاينار كوزى مەن تۇجىرىمدامالىق يدەياسى بولا الادى.
«سي ءتسزينپيننىڭ سۇيىكتى قاناتتى سوزدەرىن» (حالىقارالىق نۇسقاسىن) قازاقستاننىڭ «Silk Way» حالىقارالىق تەلەارناسى, «حابار» تەلەارناسى, «Atameken Business» تەلەارناسى, «دەلوۆوي كازاحستان» باسىلىمىنىڭ سايتى, قىرعىزستاننىڭ ۇلتتىق تەلەراديو حابارلارىن تاراتۋ كورپوراتسياسى, تاجىكستاننىڭ «دجاحوننامو» مەملەكەتتىك اقپاراتتىق جانە قوعامدىق تەلەارناسى مەن «حوۆار» ۇلتتىق اقپارات اگەنتتىگىنىڭ سايتى, تۇرىكمەنستان جاڭالىقتار پورتالى, وزبەكستاننىڭ «Yoshlar» تەلەارناسى, سونداي-اق ورتالىق ازيا ەلدەرىنىڭ باسقا دا مەدياپلاتفورمالارى كورسەتەدى. وسى ەلدەردىڭ ءارتۇرلى قوعامدىق توپتارىنىڭ وكىلدەرى قحر توراعاسى سي ءتسزينپيننىڭ اتالعان تسيكلدە قامتىلعان مەملەكەتتىك باسقارۋ تۋرالى يدەيالارى وڭىرلىك دامۋعا جانە قىتاي مەن ورتالىق ازيانىڭ تاعدىرى ورتاق قوعامداستىعىن بىرلەسىپ قۇرۋ ىسىنە سونى سەرپىن بەرەتىنىنە سەنىم ءبىلدىردى.