وقۋ-اعارتۋ مينيسترلىگىنىڭ ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعى ەستۋ قابىلەتى بۇزىلعان بالالارعا ارنالعان ونلاين-ۆيدەو ىمداۋ ءتىلى سوزدىگىن ازىرلەدى, دەپ جازادى Egemen.kz.
مينيسترلىك مالىمەتىنشە, بۇل سوزدىك يشارالاردىڭ كورنەكى كورسەتىلىمدەرى مەن اۆتوماتتاندىرىلعان ىزدەۋ جۇيەسى بار ينتەراكتيۆتى اقپاراتتىق بازا. ەلەكتروندى سوزدىكتى ورتالىقتىڭ رەسمي سايتىندا قازاق جانە ورىس تىلىندە تەگىن جۇكتەپ الۋعا بولادى. قازىر قولدانۋدىڭ قولايلىلىعىن ارتتىرۋ جانە قولجەتىمدى ەتە ءتۇسۋ ءۇشىن سوزدىكتىڭ ءموبيلدى نۇسقاسىن ازىرلەۋ جۇمىستارى جۇرگىزىلىپ جاتىر. ونىڭ تانىستىرىلىمى 2025 جىلعى رەسپۋبليكالىق تامىز كونفەرەنتسياسى اياسىندا وتەدى.