«قازاقستاننىڭ ەكولوگيالىق ۇيىمدارىنىڭ قاۋىمداستىعى» زاڭدى تۇلعالار بىرلەستىگى بۇۇ ازىق-ت ۇلىك جانە اۋىل شارۋاشىلىق ۇيىمىنىڭ (FAO) قولداۋىمەن «اۋىل شارۋاشىلىعى, ورمان شارۋاشىلىعى جانە باسقا جەر پايدالانۋلارى سالاسىنداعى كومىرتەگى جوبالارى» تاقىرىبىندا ترەنينگ وتكىزدى, دەپ حابارلايدى Egemen.kz.
ءىس-شارا GCP/KAZ/005/GFF «قازاقستانداعى كليماتتىق تۇراقتىلىقتى قامتاماسىز ەتۋ مەن جايىلىمدىق جەرلەردى قالپىنا كەلتىرۋ ءۇشىن اگروورمانمەليوراتسيا» جوباسى اياسىندا ۇيىمداستىرىلدى.
ەلىمىز الەمدىك ورتاشا كورسەتكىشپەن سالىستىرعاندا كليماتتىڭ وزگەرۋىنە قاتتى ۇشىراپ وتىر – تەمپەراتۋرا ونجىلدىقتا 0,32°س جوعارىلايدى. بۇل جايىلىمداردىڭ توزۋىنا, قۇرعاقشىلىققا, اۋىل مەن مال شارۋاشىلىعى ونىمدىلىگىنىڭ تومەندەۋىنە الىپ كەلەدى. AFOLU سالاسىندا كليماتقا ءتوزىمدى تاجىريبەلەرگە كوشۋ, تاۋەكەلدەرگە بەيىمدەلۋ مەن ەكوجۇيەلەردىڭ كومىرتەگىن ءسىڭىرۋ قابىلەتىن قالپىنا كەلتىرۋگە كومەكتەسەدى.
زەرتتەۋلەرگە قاراعاندا, 2060 جىلعا قاراي مال شارۋاشىلىعى ەلىمىزدەگى پارنيكتىك گاز شىعارىندىلارىنىڭ ەڭ ۇلكەن كوزىنە اينالماق. ال ورمان شارۋاشىلىعى مەن جەر پايدالانۋ نەگىزگى كومىرتەگى سىڭىرگىشتەر بولۋى مۇمكىن. ءبىزدىڭ ەلدە كومىرتەگى جوبالارى ءۇشىن ۇلكەن الەۋەت بار – 200 ملن گا اۋىلشارۋاشىلىق جەرلەرى مەن جايىلىمدار بويىنشا الەمدە 4-ءشى ورىندا. دەگەنمەن, ونىڭ كولەمىن ۇلعايتۋعا مونيتورينگ جۇيەسىن (MRV), نورماتيۆتىك بازانى جەتىلدىرۋ مەن فەرمەرلەردىڭ حاباردارلىعىن ارتتىرۋ قاجەت. كومىرتەگى اۋىل شارۋاشىلىعىن دامىتۋ – ينۆەستيتسيا تارتۋ مەن تۇراقتى دامۋعا ستراتەگيالىق مۇمكىندىك.
ءىس-شارانىڭ ماقساتى – مەملەكەتتىك ورگاندار مەن مامانداردىڭ تۇراقتى جەر پايدالانۋ, اگروورمانمەليوراتسيا مەن كومىرتەگى نارىعى سالاسىنداعى الەۋەتىن ارتتىرۋ, سونداي-اق قازاقستاندا كومىرتەگى اۋىل شارۋاشىلىعىن ۇلعايتۋعا نورماتيۆتىك جانە ينستيتۋتسيونالدىق بازانى قالىپتاستىرۋعا پراكتيكالىق قادامداردى تالقىلاۋ.
ترەنينگتە حالىقارالىق ستاندارتتار مەن ەرىكتى كومىرتەگى نارىعىنىڭ (VCM) مەحانيزمى, جايىلىمداردى قالپىنا كەلتىرۋ, اگروورمان شارۋاشىلىعى, توپىراقتاعى كومىرتەگىن ءسىڭىرۋ سياقتى كومىرتەگى اۋىل شارۋاشىلىعى تاجىريبەسى, قازاقستانداعى كومىرتەگى جوبالارىن ىسكە اسىرۋ مىسالدارى, شەتەلدىك ينۆەستيتسيالاردى تارتۋعا كەدەرگى بولاتىن قۇقىقتىق توسقاۋىلدار مەن ولقىلىقتار, سونداي-اق كومىرتەگى جوبالارىن مونيتورينگتەۋ, ەسەپ بەرۋ مەن ۆەريفيكاتسيالاۋ (MRV) ۇلتتىق جۇيەسىن ازىرلەۋ جونىندەگى ۇسىنىستار تالقىلاندى.
«قازاقستاننىڭ ەكولوگيالىق ۇيىمدارىنىڭ قاۋىمداستىعى» زاڭدى تۇلعالار بىرلەستىگى بۇۇ-نىڭ ازىق-ت ۇلىك جانە اۋىل شارۋاشىلىق ۇيىمىمەن كەلىسىمشارت نەگىزىندە «اگروورمانمەليوراتسيا ارقىلى كليماتتىق تۇراقتىلىقتى قامتاماسىز ەتۋ جانە قازاقستانداعى جايىلىمدىق جەرلەردى قالپىنا كەلتىرۋ» جوباسىنىڭ جەدەل سەرىكتەسى مارتەبەسىن الدى.
جوبا جەردىڭ ونىمدىلىگىن قالپىنا كەلتىرۋگە باعىتتالعان. ول تۇراقتى باسقارۋ ادىستەرىن ەنگىزۋ مەن قازاقستاننىڭ ماقساتتى ب ۇلىنگەن لاندشافتتارىنداعى اعىمداعى ۇردىستەردى تۇراقتاندىرۋ ارقىلى اۋىلدىق قاۋىمداستىقتاردىڭ الەۋەتىن ارتتىرۋعا جانە جەر رەسۋرستارىن تۇراقتى باسقارۋ ادىستەرىن ىلگەرىلەتۋگە مۇمكىندىك بەرەدى.
ءىس-شاراعا مەملەكەتتىك ۆەدومستۆو وكىلدەرى, حالىقارالىق ۇيىمدار مەن عىلىمي قاۋىمداستىقتار, سونداي-اق بيزنەس قۇرىلىمدار مەن وڭىرلەردەن كەلگەن ساراپشىلار قاتىستى.