سوناۋ كەڭەس زامانى كەزىندە بىرەۋلەر ءۇيىن اق تاسپەن قاپتاپ جاتسا, نەمەسە ءۇي جيھازىن ساتىپ الىپ جاتسا, تاڭدانىپ قالاتىن ەدىك. ونىڭ دا وزىندىك سەبەبى بار. سول زاماندا كەڭەس حالقى قاراپايىم ءومىر ءسۇردى. جاقسى تۇرمىس جاسايمىن دەپ, ارتىق تابىس تاپساڭ دا, ونى «تۇساۋلاپ» قويدى...
ال قازىر شە؟ ادال ەڭبەكپەن تابىس تاۋىپ, ءزاۋلىم ءۇي سالاسىڭ با, الدە «ءداۋ» كولىك الاسىڭ با, كانار ارالىنا بارىپ دەمالاسىڭ با, ەركىڭدە. مۇنى مەملەكەتىمىزدىڭ ادامدار ءۇشىن جاساپ وتىرعان قولداۋى دەۋگە بولادى. مىنە, سونىڭ ايعاعىنداي, اۋىلدا ىستىققا كۇيىپ, سۋىققا توڭىپ, مال وسىرگەن شارۋا ادامدارى ەڭبەگىنىڭ جەمىستەرىن كورۋدە.
ورازعالي ەلدى مەكەنىندە 20 شاقتى ءۇي بار. سول اۋىلدا اۋداندىق ءماسليحاتتىڭ دەپۋتاتى, سپورتتىڭ جاناشىرى, «اقجول» شارۋا قوجالىعىنىڭ جەتەكشىسى نۇربولات اديەتوۆ دەگەن ازامات تۇرادى. نۇربولاتتىڭ ءۇيى قالالارداعى زاماناۋي ۇلگىدە جابدىقتالعان «مىقتىلاردىڭ» ءۇيىن شاڭ قاپتىرىپ كەتەدى.
قۇبىرمەن كەلىپ تۇرعان سۋى جوق, جانىندا وزەنى جوق اۋىلدا سالىنعان ءۇي ادامعا قاجەتتى بارلىق جابدىقتارمەن جابدىقتالعان. ءمىنە, ەڭبەكتىڭ زەينەتى دەگەن وسى بولار.
ايتپاقشى, نۇربولات – جومارت ازامات. كوكتەرەك مەكتەبىنە 600 مىڭ تەڭگە تۇراتىن قازاق كۇرەسىنە قاجەتتى قۇرال-جابدىقتاردى الىپ بەرگەن. سونىمەن قاتار, بايگەگە قوساتىن سايگ ۇلىكتەر باپتاپ جۇرگەن ول كۇرەسكە قاتىساتىن ءبىر شاكىرتىنە ات سپورتىنا ۇيرەنسىن دەپ, تاي سىيلاعان.
سەرىك جۇماعاليەۆ.
باتىس قازاقستان وبلىسى,
قازتالوۆ اۋدانى.