فۋتبولدان ەۋروپا ليگاسىنىڭ 6 تامىز كۇنى شوتلانديانىڭ ابەردين قالاسىندا جەرگىلىكتى «ابەردين» مەن الماتىنىڭ «قايرات» كوماندالارى اراسىندا وتەتىن قارىمتا كەزدەسۋى Kazsport تەلەارناسىنان كورسەتىلمەيدى.
بۇعان شوتلاند جاعىنىڭ اتالمىش ماتچتان ترانسلياتسيا جۇرگىزبەيتىنى سەبەپ بولىپ وتىر. ولار بۇل تۋرالى Kazsport تەلەارناسىنا ارنايى جولداعان حاتىندا بايانداعان.
«ءبىزدىڭ بارىنشا كۇش سالعانىمىزعا قاراماستان, قازاقستان كوماندالارىنىڭ ەۋروپا كۋبوكتارى ءۇشىن شەت ەلدەردە ويناعان كەيبىر ويىندارىن بۇعان دەيىن دە كورسەتە الماعان كەزدەرىمىز بولعان. مىسالى, «استانانىڭ» قوناقتا وتكەن «ماريبور» كلۋبىمەن ءبىرىنشى كەزدەسۋىندە سونداي جاعداي تىركەلدى. سەبەبى, سلوۆەنيا تەلەۆيدەنيەسى ماريبورداعى ماتچتى تۇسىرۋگە دە, ونى كورسەتۋگە دە ق ۇلىقتى بولعان جوق. جانە مۇنىڭ سەبەبىن ءتۇسىندىرىپ تە جاتپادى. ءبىز ءدال قازىرگى «ابەردين» – «قايرات» كەزدەسۋىندە قالىپتاسقان احۋالداعىداي وندا دا سوڭعى مەزەتكە دەيىن ماسەلەنىڭ وڭ شەشىلۋىنە ءۇمىت ارتقانبىز. بىراق ءبارى بەكەر بولىپ شىقتى», – دەدى تەلەارنانىڭ پروديۋسەرى پاۆەل تسىبۋلين.
ەسكە سالا كەتەيىك, «قايراتتىڭ» شوتلاند كلۋبىمەن ءوز الاڭىندا وتكىزگەن ءبىرىنشى ويىنى 2:1 ەسەبىمەن ءبىزدىڭ جىگىتتەردىڭ جەڭىسىمەن اياقتالعان. ونى Kazsport ارناسى تىكەلەي ەفيردەن كورسەتتى.
دامير قوجامقۇل.