«قازپوشتا» اق باسقارما توراعاسى بولىپ بەكەجان جاكەەۆ تاعايىندالدى. بۇعان دەيىن بۇل لاۋازىمدى 2022 جىلدىڭ قازان ايىنان بەرى اسەل جاناسوۆا اتقارىپ كەلگەن, دەپ حابارلايدى Egemen.kz.
بەكەجان جاكەەۆ 1982 جىلى جەزقازعان قالاسىندا دۇنيەگە كەلگەن. ول «ادىلەت» قۇقىقتانۋ اكادەمياسى جوعارى قۇقىق مەكتەبىن «قۇقىقتانۋ» ماماندىعى بويىنشا, سونداي-اق استانا قالاسىنداعى ەۋرازيا گۋمانيتارلىق ينستيتۋتىن, «ەكونوميكا جانە بيزنەس باكالاۆرى» ماماندىعى بويىنشا ءبىلىم العان.
ەڭبەك جولىن 2003 جىلدان باستاپ بانك جۇيەسىندە زاڭگەر بولىپ باستاعان. 2009 جىلدان 2024 جىلعا دەيىن ءارتۇرلى كەزەڭدەردە ەكونوميكانىڭ وندىرىستىك, كۆازيمەملەكەتتىك جانە قارجى سەكتورلارىندا باسشىلىق پوزيتسيالاردا جۇمىس ىستەگەن.