اقتوبە وبلىسى قارعالى اۋدانىنىڭ الىمبەت اۋىلىندا "اۋىل قۇتقارۋشىلارى" رەسپۋبليكالىق باعدارلاماسى اياسىندا جاڭا ءورت ءسوندىرۋ بەكەتىنىڭ سالتاناتتى اشىلۋى وتتىدەپ جازادى Egemen.kz.
تجم باسشىسى گەنەرال-مايور شىڭعىس ءارىنوۆتىڭ باستاماسىمەن ىسكە قوسىلعان باعدارلاما اۋىلدىق جەرلەردە ازاماتتىق قورعاۋ ينفراقۇرىلىمىن دامىتۋ مەن ورتكە قارسى جانە جالپى قاۋىپسىزدىك ماسەلەلەرى ەرەكشە قاجەت وڭىرلەردەگى توتەنشە جاعدايلارعا ناقتى, جەدەل دەن قويۋدى قامتاماسىز ەتۋگە باعىتتالعان.
الىمبەتتەگى جاڭا ءورت ءسوندىرۋ بەكەتى بىلىكتى جەكە قۇراممەن جاساقتالىپ, زاماناۋي ورتكە قارسى تەحنيكامەن, بايلانىس قۇرالدارىمەن جانە تاۋلىك بويى كەزەكشىلىككە قاجەتتى جاراقتارمەن تولىقتاي جابدىقتالعان.
"قازاقستاندىقتاردىڭ قاۋىپسىزدىگى قالادا جانە اۋىلدا بىردەي قولجەتىمدى بولۋى ءتيىس. "اۋىل قۇتقارۋشىلارى" باعدارلاماسى تەك تەحنيكا مەن عيماراتتار عانا ەمەس, بۇل ادامداردىڭ كەز كەلگەن ساتتە كومەك كەلەتىنىنە دەگەن سەنىمى", — دەپ مينيستر اتاپ ءوتتى.
اشىلۋ سالتاناتى اياسىندا مينيستر ءورت ءسوندىرۋ اۆتوتسيستەرناسىنىڭ كىلتتەرىن تابىس ەتتى, بۇل بەكەتتىڭ جەدەل دەن قويۋ مەن ءورتتى ءسوندىرۋ مۇمكىندىكتەرىن بارىنشا كەڭەيتەدى.
"اۋىل قۇتقارۋشىلارى" باعدارلاماسى اۋىلدىق ەلدى مەكەندەردى قامتي وتىرىپ, جۇمىسىن جالعاستىرادى. بۇل ازاماتتىق قورعاۋ ۇلتتىق جۇيەسىن نىعايتۋداعى جانە قازاقستان وڭىرلەرىندە ورنىقتى قوعامداستىقتاردى قالىپتاستىرۋداعى ستراتەگيالىق قادام.