ۋسولكا وزەنىندە سۋعا باتىپ بارا جاتقان ەر ادامدى توتەنشە جاعدايلار قىزمەتكەرلەرى قۇتقارىپ الدى, دەپ حابارلايدى Egemen.kz.
- 6 ماۋسىم كۇنى پاۆلودار قالاسىنداعى ۋسولكا وزەنىنىڭ كوممۋنالدىق جاعاجايىن پاترۋلدەۋ كەزىندە وڭىرلىك توتەنشە جاعداي دەپارتامەنتىنىڭ جەدەل-قۇتقارۋ جاساعىنىڭ قۇتقارۋشىلارى سۋدا قايعىلى وقيعانىڭ الدىن الدى. قۇرامىندا 4 قۇتقارۋشى مەن 2 ءجۇزۋ قۇرالى بار ەكيپاج وزەننىڭ ورتاسىندا سۋعا باتىپ بارا جاتقان ادامدى بايقادى. زارداپ شەگۋشى سۋدىڭ بەتىندە تۇرا الماي, سۋ استىنا كەتە باستاعان. قۇتقارۋشىلار ەر ادامدى سۋدان شىعارىپ, جاعاعا جەتكىزىپ بىردەن رەانيماتسيالىق ءىس-شارالاردى باستادى,-دەپ حابارلادى پاۆلودار وبلىسى توتەنشە جاعدايلار دەپارتامەنتىنىڭ ءباسپاسوز قىزمەتىنەن.
قۇتقارۋشىلار ەر ادامنىڭ جاعدايىن تۇراقتاندىرىپ, جەدەل جاردەم بريگاداسىنا تاپسىرعان.
پاۆلودار وبلىسى