قر قم اپپارات باسشىسى پولكوۆنيك ەربول قۇماربەك ۇلىنىڭ باسشىلىعىمەن قورعانىس مينيسترلىگىنىڭ دەلەگاتسياسى ۇلىبريتانيادا رەسمي ساپارمەن بولدى. ەكى ەلدىڭ قورعانىس ۆەدومستۆولارى اراسىنداعى اسكەري ىنتىماقتاستىق جوسپارىنىڭ قۇجاتىنا لوندون قالاسىندا قول قويىلدى, دەپ حابارلايدى Egemen.kz.
ءىس-شارا بارىسىندا ەكىجاقتى اسكەري ىنتىماقتاستىقتىڭ اعىمداعى ماسەلەلەرى جانە ءوزارا ءىس-قيمىلدىڭ پەرسپەكتيۆالىق باعىتتارى تالقىلاندى. ۇلىبريتانيانىڭ جوعارى اسكەري وقۋ ورىندارىندا قازاقستاننىڭ اسكەري قىزمەتشىلەرىن بىتىمگەرلىك, تىلدىك دايارلاۋ جانە وقىتۋ نەگىزگى باعىتتار بولىپ تابىلادى.
ء«ىس-شارا قورىتىندىسى بويىنشا تاراپتار قر قورعانىس مينيسترلىگى مەن ۇلىبريتانيا جانە سولتۇستىك يرلانديا بىرىككەن كورولدىگى قورعانىس مينيسترلىگى اراسىنداعى 2025–2026 جىلعا ارنالعان اسكەري ىنتىماقتاستىق جوسپارىنا قول قويدى», دەپ حابارلادى قر قورعانىس مينيسترلىگىنىڭ ءباسپاسوز قىزمەتى.