ەرلان قوشانوۆتىڭ قۇربان ايت مەرەكەسىمەن قۇتتىقتاۋى ءماجىلىستىڭ Telegram ارناسىندا جاريالاندى, دەپ حابارلايدى Egemen.kz.
«قادىرلى اعايىن!
سىزدەردى قاسيەتتى قۇربان ايت مەيرامىمەن شىن جۇرەكتەن قۇتتىقتايمىن!
بۇل – بارشا مۇسىلمان قاۋىمى ءۇشىن ۇلاعاتتى, تاعىلىمدى مەرەكە. ادامداردى مەيىرىم مەن ىزگىلىككە شاقىراتىن, ۇلتىمىزدى ۇيىستىراتىن ۇلىق مەيرام.
ايت كۇندەرى جۇرتشىلىق ءبىرىن-ءبىرى قۇتتىقتاپ, يگى تىلەكتەر جولدايدى. جاقسى ىستەرگە ۇيىتقى بولىپ, شىنايى نيەتپەن مۇقتاج جاندارعا كومەكتەسۋگە تىرىسادى.
قۇربان ايت – رۋحاني كەمەلدەنەتىن كەزەڭ. ول قوعامداعى كەلىسىمدى, بىرلىك پەن تاتۋلىقتى نىعايتا تۇسەدى.
مەيىرباندىلىق, جاناشىرلىق پەن قايىرىمدىلىق سياقتى حالقىمىزعا ءتان ىزگى قاسيەتتەردى دارىپتەۋگە سەپتىگىن تيگىزەدى.
ەندەشە, شۋاقتى مەرەكە ەلىمىزگە اماندىق پەن باق-بەرەكە اكەلسىن!
شالعان قۇرباندارىڭىز بەن يگى امالدارىڭىز قابىل بولسىن!», دەلىنگەن اتالعان قۇتتىقتاۋدا.