اقش پەن رەسەي پرەزيدەنتتەرىنىڭ جەكە كەزدەسۋى ازىرگە كۇن تارتىبىندە جوق. بۇل تۋرالى رەسەي فەدەراتسياسى پرەزيدەنتىنىڭ ءباسپاسوز حاتشىسى دميتري پەسكوۆ مالىمدەدى, دەپ حابارلايدى Egemen.kz.
دميتري پەسكوۆتىڭ ايتۋىنشا, رەسەي پرەزيدەنتى ۆلاديمير پۋتين مەن اقش ەكس-پرەزيدەنتى دونالد ترامپ 4 ماۋسىمدا تەلەفون ارقىلى سويلەسكەنىمەن, جەكە كەزدەسۋ تۋرالى ناقتى ۋاعدالاستىققا كەلگەن جوق. الايدا ەكى ەل كوشباسشىلارى مۇنداي كەزدەسۋدىڭ قاجەت ەكەنىن ءتۇسىنىپ وتىر.
«مۇنداي جوعارى دەڭگەيدەگى كەزدەسۋگە مۇقيات دايىندىق قاجەت. ول دايىندىقتىڭ ناقتى ءارى سالماقتى ناتيجەلەرى بولۋى ءتيىس, سول كەزدە عانا بۇل ناتيجەلەردى جوعارى دەڭگەيدە بەكىتۋگە بولادى», دەدى پەسكوۆ.
تەلەفون ارقىلى وتكەن اڭگىمە بارىسىندا تاراپتار بىرقاتار حالىقارالىق جانە ەكىجاقتى وزەكتى ماسەلەلەردى تالقىلاعان. پەسكوۆ بۇل ديالوگتى «كونسترۋكتيۆتى» دەپ سيپاتتادى.
ايتا كەتەيىك, 4 ماۋسىم كۇنى كەشكى ۋاقىتتا رەسەي مەن اقش پرەزيدەنتتەرى ۆلاديمير پۋتين مەن دونالد ترامپ تەلەفون ارقىلى سويلەستى. كەزدەسۋدىڭ ناقتى كۇنى مەن ورنى تۋرالى كەلىسسوزدەر الداعى ۋاقىتتا جالعاسۋى مۇمكىن.