قوستاناي, رۋدنىي قالالارىندا رەسپۋبليكالىق جەدەل تاكتيكالىق وقۋ-جاتتىعۋلارى باستالدى, دەپ جازادى Egemen.kz.
«نايزا-انتيتەررور-2025» جوسپارى بويىنشا ۇلتتىق قاۋىپسىزدىك كوميتەتىنىڭ تەرروريزمگە قارسى ورتالىعى ۇيىمداستىرىپ جاتقان ءىس-شارانىڭ ماقساتى – تەرروريستىك سيپاتتاعى قاتەرلەر تۋىنداعان جاعدايدا مەملەكەتتىك ورگانداردىڭ ارەكەت ەتۋ جانە ءوزارا ءىس-قيمىل جاساۋ داعدىلارىن جەتىلدىرۋ, سونداي-اق تەرروريزم اكتىسىنىڭ سالدارىن بارىنشا ازايتۋ جانە جويۋ.
«وقۋ-جاتتىعۋ اياسىندا ارنايى تەحنيكا, قۇقىق قورعاۋ جانە ارنايى ورگانداردىڭ ءارتۇرلى بولىمشەلەرىنىڭ كۇشتەرى مەن قۇرالدارى جۇمىلدىرىلاتىن بولادى. ءىس-شارالاردىڭ وتكىزىلۋىنە بايلانىستى قالانىڭ جەكەلەگەن كوشەلەرىندە اۆتوكولىك قوزعالىسى ۋاقىتشا شەكتەلەدى. قالا تۇرعىندارى مەن قوناقتارىن تىنىشتىق ساقتاۋعا, مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋعا جانە تەك رەسمي اقپارات كوزدەرىنە سەنۋگە شاقىرامىز», دەپ حابارلايدى تەرروريزمگە قارسى كۇرەس جونىندەگى رەسپۋبليكالىق جەدەل شتابىنىڭ وكىلدەرى.
شتاب وكىلدەرى ءوتىپ جاتقان تاكتيكالىق وقۋ-جاتتىعۋعا قاتىستى قانداي دا ءبىر جالعان اقپارات تاراتقان ازاماتتاردىڭ قىلمىستىق جاۋاپكەرشىلىككە تارتىلاتىنىن ەسكەرتەدى.
قوستاناي وبلىسى