مەملەكەتتىك رامىزدەر كۇنىنە وراي استاناداعى جالپى ءبىلىم بەرەتىن مەكتەپتەر مەن قوسىمشا ءبىلىم بەرۋ ۇيىمدارىنىڭ جازعى لاگەرلەرىندە اۋقىمدى پاتريوتتىق ءىس-شارا ءوتتى, دەپ جازادى Egemen.kz.
شاراعا ەلورداداعى 92 مەكتەپ پەن 13 قوسىمشا ءبىلىم بەرۋ ورتالىعىنان 10 000-نان استام بالا قاتىستى.
بۇل باستاما ارقىلى جاس ۇرپاقتىڭ بويىندا وتانسۇيگىشتىك سەزىمدى قالىپتاستىرۋ, مەملەكەتتىك رامىزدەرگە دەگەن قۇرمەتتى ارتتىرۋ جانە ۇلتتىق قۇندىلىقتاردى دارىپتەۋ ماقسات ەتىلگەن. ءانۇران شىرقاۋ ءراسىمى بالالاردىڭ ءوز وتانىنا دەگەن ماقتانىش سەزىمىن وياتىپ, بىرىكتىرۋشى رۋح بەردى. مۇنداي ءىس-شارالار وسكەلەڭ ۇرپاقتى ازاماتتىق جاۋاپكەرشىلىككە تاربيەلەۋدە ماڭىزدى ءرول اتقارادى.
ايتا كەتەيىك, 4 ماۋسىم – مەملەكەتتىك رامىزدەر كۇنى, بۇل مەرەكە 2007 جىلدان بەرى رەسمي تۇردە اتالىپ وتىلەدى.