البانيا استاناسى تيرانادا ءىرى كولەمدە الاياقتىق جاساعانى ءۇشىن حالىقارالىق ىزدەۋدە جۇرگەن قازاقستاندىق ازامات ۇستالىپ, قاماۋعا الىندى. بۇل تۋرالى ىشكى ىستەر مينيسترلىگى حابارلادى, دەپ جازادى Egemen.kz.
كۇدىكتى 2023 جىلى الماتى قالاسىندا جەكە مەكتەپ اشىپ, جوعارى وقۋ ورىندارىنا ءتۇسۋ ءۇشىن اقىلى دايىندىق كۋرستارىن ۇسىنۋ ارقىلى 10 ازاماتتى الداپ سوققان. ونىڭ ازاماتتارعا كەلتىرگەن جالپى شىعىنى 10,5 ملن تەڭگەنى قۇراعان.ءىىم الاياقتار وقىتۋ كۋرستارىن جارنامالاۋدا تومەن باعا, ەكسكليۋزيۆ وقىتۋ ادىستەرى مەن ۇزدىك وقىتۋشىلار قۇرامىن ۇسىناتىنىن ەسكە سالادى.
الاياقتىق كۋرستاردىڭ نەگىزگى بەلگىلەرى ليتسەنزيا مەن رەسمي تىركەۋى بولمايدى. وقىتۋشىلار مەن باعدارلاما تۋرالى اشىق اقپاراتتى ۇسىنبايدى. ەشقانداي كەلىسىمشارتسىز تولىق تولەم تولەۋدى تالاپ ەتەدى. تاۋەلسىز پلاتفورمالاردا ۇسىنىم مەن پىكىرلەرى كەزدەسپەيدى.