قازاقستاندا بالالاردىڭ ءوسىپ, دامۋىنا جان-جاقتى جاعداي جاساۋ - مەملەكەتتىك ساياساتتىڭ ماڭىزدى باعىتى بولىپ سانالادى. بۇل ءۇشىن ءتۇرلى باعدارلامالار جۇزەگە اسىرىلىپ جاتىر, دەپ جازادى Egemen.kz اقپارات اگەنتتىگى.
ەلىمىزدىڭ پرەزيدەنتى قاسىم-جومارت توقاەۆتىڭ تاپسىرماسى بويىنشا 2024 جىلى "ۇلتتىق قور-بالالارعا" جوباسىن ىسكە اسىرۋ قولعان الىنعان ەدى. ونىڭ اياسىندا ءار بالاعا جىل سايىن ۇلتتىق قوردان قاراجات بولىنەدى.
2024 جىلى بۇل تولەمدەردىڭ كولەمى ءبىر بالاعا شاققاندا 129,38 دوللارعا ارتتى.
ال تۇتاستاي باعدارلاما بويىنشا جالپى قاراجات 888 ملن دوللارعا جەتتى. بۇل كورسەتكىش مەملەكەتتىڭ الەۋمەتتىك ساياساتقا ەرەكشە كوڭىل بولەتىنىن كورسەتىپ وتىر. جوبانىڭ شارتتارىنا سايكەس جيناقتالعان قاراجاتتى 18 جاسقا تولعاننان كەيىن عانا پايدالانۋعا بولادى: تۇرعىن ءۇي جاعدايلارىن جاقسارتۋ نەمەسە ءبىلىم بەرۋ اقىسىن تولەۋ ءۇشىن.
مۇنداي امالدار وتباسىلارعا تىكەلەي قولداۋ كورسەتىپ قانا قويماي, بولاشاق ۇرپاقتىڭ ءال-اۋقاتىنا نەگىز قۇرا وتىرىپ, ەلدىڭ ۇزاقمەرزىمدى دامۋىنا ىقپال ەتەدى.