14 جاستاعى اقتاۋلىق شاحماتشى ەلىمىزدە العاشقىلاردىڭ ءبىرى بولىپ گروسسمەيستەر اتاندى.
جاس دارىن ەدگار مامەدوۆ الەمدىك دەڭگەيدەگى بەدەلدى دودادا تابىسقا جەتىپ, ەلىمىزدىڭ شاحمات تاريحىنا ءوز اتىن جازدى. ول «Sharjah Masters International Chess Championship 2025 – A» تۋرنيرىندە ءساتتى ونەر كورسەتىپ, حالىقارالىق گروسسمەيستەر (GM) اتاعىنا قول جەتكىزدى. 14 جاستاعى ەدگار بۇعان دەيىن گروسسمەيستەر بولۋعا قاجەتتى ءۇش ءنورماتيۆتى ورىنداپ قويعان ەدى. تەك «FIDE» رەيتينگىندە 2 500 ۇپاي جيناۋ عانا قالعان بولاتىن. شاردجاداعى جارىستا ونىڭ ناتيجەسى بۇل مەجەدەن اسىپ ءتۇستى. وسىلايشا, ول قازاقستان شاحمات تاريحىنداعى ەڭ جاس گروسسمەيستەر اتانىپ وتىر.