قازىرگى ۋاقىتتا باياناۋىل اۋدانىندا جالپى سىيىمدىلىعى 5 مىڭ ادامعا ارنالعان 54 دەمالىس ءۇيى بار, دەپ حابارلايدى Egemen.kz.
«جاسىباي» دەمالىس ايماعىندا تۋريستىك ماۋسىمنىڭ رەسمي اشىلۋى 14 ماۋسىمعا جوسپارلانعان. قازىرگى ۋاقىتتا باياناۋىل اۋدانىندا جالپى سىيىمدىلىعى 5 مىڭ ادامعا ارنالعان اساتىن 54 دەمالىس ءۇيى بار. جول بويىنداعى قىزمەت كورسەتۋ نىساندارى جۇمىس ىستەيدى. جازعى كەزەڭدە «جاسىباي», «سابىندىكول» جانە «تورايعىر» دەمالىس ايماقتارىندا قوسىمشا تاماقتانۋ ورىندارى مەن ساۋدا پاۆيلوندارىن اشۋ جوسپارلانۋدا.
- 14 تۋريستىك مارشرۋت ازىرلەنىپ, ىسكە قوسىلۋعا دايىن. دەمالۋشىلاردىڭ قاۋىپسىزدىگىن قامتاماسىز ەتەتىن بارلىق قىزمەتتەر ازىرلىگى مىعىم. بەينەباقىلاۋ كامەرالارى ورناتىلىپ, سۋ ايدىندارىندا قۇتقارۋ بەكەتتەرى ۇيىمداستىرىلدى., جول بويىنداعى قىزمەت كورسەتۋ نىساندارى جۇمىس ىستەيدى. تۋريستىك ينفراقۇرىلىمدى ودان ءارى دامىتۋ ءۇشىن شامامەن 568 ملن تەڭگەگە سابىندىكول كولىنىڭ جاعالاۋ ايماعىن اباتتاندىرۋ كوزدەلگەن. جوبا بويىنشا كىرەبەرىستەر, شاعىن ارحيتەكتۋرالىق فورمالار ورناتىلادى جانە باقىلاۋ الاڭدارى ۇيىمداستىرىلادى. سونداي-اق, باياناۋىل اۋىلىندا 1 ملرد تەڭگەگە جۋىق قاراجاتقا ولكەتانۋ مۋزەيى ورنالاساتىن ۆيزيت-ورتالىقتىڭ قۇرىلىسى جۇرگىزىلۋدە. بۇل باستامالار «جاسىباي» كولىنە تۇسەتىن جۇكتەمەنى ازايتۋعا باعىتتالعان,-دەپ حابارلادى اۋدان اكىمدىگىنەن.
تورايعىر اۋىلىنداعى اينالاسىندا قارا قاندىاعاش وسەتىن بىرەگەي تابيعي ورىن - «اۋليە بۇلاق» اۋماعىن اباتتاندىرۋعا ەرەكشە نازار اۋدارىلۋدا. وندا جۋىناتىن كابينكالار, ورىندار جابدىقتالىپ, ەكولوگيالىق ءتۋريزمدى دامىتۋ ءۇشىن قولايلى جاعدايلار جاسالدى.
سونداي-اق, كەلۋشىلەر ءجيى باراتىن «كەمپىرتاس» جارتاسىنا دەيىانگى جولدى اسفالتتاۋ كوزدەلگەن. جارتاستىڭ جانىندا قولا ءداۋىرىنىڭ ارحەولوگيالىق ەسكەرتكىشتەرى - اندرونوۆ مادەنيەتىنىڭ قورىمدارى مەن قونىستارى ورنالاسقان.