قازاقستاندا ەنەرگەتيكا جانە كوممۋنالدىق سەكتورلاردى جاڭعىرتۋ جونىندەگى ۇلتتىق جوبانى جۇزەگە اسىرۋ 2025 جىلدىڭ ەكىنشى جارتىسىندا باستالادى. بۇل تۋرالى قر يندۋستريا جانە قۇرىلىس ءمينيسترى ەرسايىن ناعاسپاەۆ ۇكىمەت وتىرىسىنان كەيىنگى بريفينگتە مالىمدەدى, دەپ حابارلايدى Egemen.kz
مينيستر 74 جوبا 2029 جىلعا دەيىن ەسەپتەلگەنىن اتاپ ءوتتى.
«مينيسترلىك سۋمەن جابدىقتاۋ جانە سۋ بۇرۋ جۇمىستارىنا جاۋاپتى, وعان شامامەن 1 ترلن تەڭگە جوسپارلانىپ وتىر. ەگەر, جاقىن ۋاقىتتا زاڭناماعا تۇزەتۋلەر ەنگىزىلەتىن بولسا, ەكىنشى جارتىجىلدىقتا جۇمىستى باستايمىز. مينيسترلىك ىشىندە بىرىڭعاي وپەراتور بولىپ «تكش ورتالىق» بەلگىلەندى. قازىرگى ۋاقىتتا جەتكىزۋشىلەردى ىرىكتەۋ بويىنشا كونكۋرستىق راسىمدەر ۇيىمداستىرۋ ەرەجەلەرى ازىرلەنىپ جاتىر, دەدى ەرسايىن ناعاسپاەۆ.
ءوز كەزەگىندە ەنەرگەتيكا ۆيتسە-ءمينيسترى سۇڭعات ەسىمحانوۆ ۇلتتىق جوبانى جۇزەگە اسىرۋ ءۇشىن ۇزاقمەرزىمدى ينۆەستيتسيالار تارتىلاتىنىن جانە بۇل بيۋدجەتكە اسەر ەتپەيتىنىن ايتتى.
«قارجىلاندىرۋ رەسپۋبليكالىق جانە حالىقارالىق ينستيتۋتتار تاراپىنان جۇرگىزىلەدى. بۇگىندە جالپى قۇنى 120 ملرد تەڭگەنى قۇرايتىن 28 جىلۋ جوباسى, ال ەلەكتر جەلىلەرى بويىنشا 46-عا جۋىق جوبا تاڭدالدى. قازىر قارجى ينستيتۋتتارىمەن جۇمىس ىستەۋ ساتىسىندامىز», دەپ ءتۇسىندىردى سۇڭعات ەسىمحانوۆ.
جوبانى ىسكە اسىرۋ 2029 جىلعا قاراي جەلىلەردىڭ توزۋىن 40%-عا دەيىن تومەندەتۋگە مۇمكىندىك بەرەدى.
ارايلىم مىرزاحان, ەۇۋ 2 كۋرس ستۋدەنتى