قازاقستاننىڭ اۆسترياداعى ەلشىسى قايرات سارىباي جاقىندا كارينتيا اۆستريالىق فەدەرالدىق جەرىندە جۇمىس ساپارىمەن بولدى, دەپ حابارلادى ءسىم ءباسپاسوز قىزمەتى.
ساپار بارىسىندا فەدەرالدىق ءوڭىردىڭ ساياسي باسشىلىعىمەن, ىسكەرلىك جانە مادەني توپتارىمەن, اتاپ ايتقاندا, جەر پارلامەنتىنىڭ پرەزيدەنتى راينحارت رورمەن, كارينتيانىڭ جەر ۇكىمەتى باسشىسىنىڭ ورىنباسارى بەاتە پرەتتنەرمەن, جەتەكشى ونەركاسىپ كومپانيالارىنىڭ وكىلدەرىمەن, سونداي-اق, فيللاحە قالاسىنىڭ فولكلورلىق فەستيۆالىنىڭ ۇيىمداستىرۋشىلارىمەن كەزدەسۋلەر ءوتتى. كارينتيا باسشىلىعىمەن كەزدەسۋلەر كەزىندە اۆستريالىق تاراپ قازاقستاننىڭ ساياسي جانە ەكونوميكالىق جاعدايى, بەس ينستيتۋتتىق رەفورما مەن ونى جۇزەگە اسىرۋ بويىنشا «100 ناقتى قادام» اياسىندا ەلىمىزدىڭ ىلگەرى دامۋ جوسپارى تۋرالى جانە ەكسپو-2017 حالىقارالىق مامانداندىرىلعان كورمەگە دايىندىق, «نۇرلى جول» باعدارلاماسىن ىسكە اسىرۋ, 2017 جىلعى قىسقى ۋنيۆەرسيادانى وتكىزۋ شەڭبەرىندە قازاقستانمەن ىنتىماقتاسۋ مۇمكىندىكتەرى تۋرالى حابارلاندى. ق.سارىباي كارينتيانىڭ قازاقستانمەن ىنتىماقتاستىعىن وڭالتۋعا مۇددەلى جەتەكشى يندۋستريالىق كومپانيالار باسشىلىعىمەن كەزدەسىپ, ولار قازاقستانداعى ءوز جوبالارى مەن جوسپارلارى جونىندە اقپارات بەردى. اۆستريالىق ىسكەرلىك توپتار وكىلدەرى ەكسپو-2017 حالىقارالىق كورمەسىنە قىزىعۋشىلىق تانىتىپ, ونىڭ «بولاشاق ەنەرگياسى» اتتى تاقىرىبى كارينتيانىڭ ەنەرگيانىڭ ەكولوگيالىق تازا جانە جاڭارتىلمالى تۇرلەرىن دامىتۋدا زور تاجىريبەسى بار فيرمالارىنىڭ مۇددەلەرىنە ساي دەپ اتاپ ءوتتى. كارينتيا قىسقى سپورت تۇرلەرىن دامىتۋدا تاجىريبەسى مول, ونىڭ ىشىندە «Bellutti Planen Klagenfurt GmbHس» كومپانياسى الماتى قالاسىندا 2017 جىلعى قىسقى ۋنيۆەرسيادانى دايىنداۋعا اتسالىسۋدا.
«ەگەمەن-اقپارات».