«تازا قازاقستان» تۇجىرىمداماسىن ىسكە اسىرۋ اياسىندا ەكولوگيا جانە تابيعي رەسۋرستار مينيسترلىگى 2024 جىلعى ماۋسىمدا @TazaQazBot تەلەگرام-چات-بوتىن ىسكە قوستى. بۇل ەكولوگيالىق ماسەلەلەر بويىنشا جەدەل وتىنىشتەر مەن شاعىمدارعا ارنالعان پلاتفورما, دەپ حابارلايدى Egemen.kz.
ەكولوگيا جانە تابيعي رەسۋرستار مينيسترلىگىنىڭ حابارلاۋىنشا, ەكوبوت ىسكە قوسىلعاننان بەرى تۇسكەن 18 مىڭنان استام ءوتىنىمنىڭ 17 مىڭى ءساتتى ورىندالعان.
«@TazaQazBot-تىڭ بەلسەندى پايدالانۋشىلارى - الماتى, شىمكەنت جانە استانا قالالارىنىڭ تۇرعىندارى. ستاتيستيكاعا سايكەس, وتىنىشتەردىڭ باسىم بولىگى اۋماقتاردى جيناۋ, تۇرمىستىق قوقىستاردى شىعارۋ, كوشەلەردى اباتتاندىرۋ تاقىرىپتارى توڭىرەگىندە. بۇل پلاتفورما جولداردى جوندەۋ, سۋ ايدىندارىن تازارتۋ جانە كىرەبەرىستەردىڭ سانيتارلىق جاعدايىن جاقسارتۋ سىندى وتىنىمدەردىڭ 21 ساناتىن قامتيدى», دەلىنگەن حابارلامادا.
ايتا كەتەيىك, وتىنىمدەر ساپاسىز ورىندالعان جاعدايدا اتالمىش جۇيەدە شاعىم بەرۋگە بولادى. 2025 جىلدىڭ باسىنان بەرى 200-دەن استام شاعىم تىركەلگەن.
«ەلىمىزدىڭ بارلىق تۇرعىندارىن كۇندەلىكتى ومىردە كەزدەسەتىن تازالانباعان قوقىستاردان باستاپ, جارىق قوسىلماعان اۋلالار, بىتەلگەن ارىقتارعا دەيىنگى ەكولوگيالىق پروبلەمالاردى شەشۋ ماقساتىندا @TazaQazBot-تى بەلسەندى تۇردە پايدالانۋعا شاقىرامىز», دەلىنگەن مينيسترلىك حابارلاماسىندا.