اقوردادان ۇلىتاۋعا اقجولتاي جاڭالىق جەتتى. قر پرەزيدەنتى قاسىم-جومارت توقاەۆ, قازاقستاننىڭ حالىق ءارتىسى, ۇلىتاۋ وبلىسىنىڭ قۇرمەتتى ازاماتى قايرات بايبوسىنوۆقا «قازاقستاننىڭ ەڭبەك ەرى» اتاعىن جانە «ساتباەۆ قالاسىنىڭ باۋبەك بۇلقىشەۆ اتىنداعى ورتالىقتاندىرىلعان كىتاپحانا جۇيەسى» كمم ديرەكتورى گۇلنار قوجاحمەتوۆاعا «ەرەن ەڭبەگى ءۇشىن» مەدالىن تابىس ەتتى, دەپ حابارلايدى Egemen.kz.
مادەنيەت جانە ونەر قىزمەتكەرلەرىن ماراپاتتاۋ راسىمىنە قاتىسىپ, مەملەكەت باسشىسىنىڭ قولىنان لايىقتى باعاسىن العان قوس ماراپات يەسىن ۇلىتاۋ وبلىسىنىڭ اكىمى داستان رىسپەكوۆ قۇتتىقتادى.
«مارتەبەلى ماراپاتتار – وبلىسىمىزدىڭ مارتەبەسىن اسقاقتاتىپ, بارشامىزدى قۋانىشقا بولەدى. بۇل – جەرلەستەرىمىزدىڭ ۇزاق جىلعى ەڭبەكتەرىنىڭ ەلەنىپ, مادەنيەت پەن ونەرگە سارپ ەتكەن التىن ۋاقىتتارىنىڭ جوعارى باعاسىن العانىن كورسەتەدى», دەدى ايماق باسشىسى.
ۇلىتاۋ وبلىسى