«قايرات» بيىلعى ماۋسىمدا العاش رەت ۇتىلدى

«وقجەتپەس» – «اقتوبە» 1:3, «اتىراۋ» – «جەتىسۋ» 1:1, «ەلىماي» – «قايرات» 1:0, « ۇلىتاۋ» – «استانا» 0:2, «جەڭىس» – «قىزىلجار» 0:0 جانە «قايسار» – «تۇران» 1:0. ال «توبىل» مەن «ورداباسى» اراسىنداعى كەزدەسۋ اۋا-رايىنىڭ قولايسىزدىعىنا بايلانىستى كەيىنگە شەگەرىلدى. وسى ورايدا, الماتىنىڭ «قايراتى» بيىلعى ماۋسىمدا العاش رەت جەڭىلىستىڭ كەرمەك ءدامىن تاتقانىن ايتا كەتسەك ەش ايىبى جوق دەپ ويلايمىز.

جارىس كەستەسىنە كەلەر بولساق, قورجىنىندا 25 ۇپايى بار «اقتوبە» جەكە-دارا كوش باستاپ تۇر. ەكىنشى ورىنداعى «قايراتتىڭ» ولاردان ەكى ۇپايى كەم. ءۇشىنشى ساتىعا «استانا» جايعاستى. ەلوردالىق كلۋب 21 ۇپايدى ەنشىلەۋدە. كوش سوڭىنداعى « ۇلىتاۋ» نەبارى ەكى ۇپايدى قاناعات تۇتۋدا. سونداي-اق, «اتىراۋ» مەن «جەتىسۋدىڭ» دە جاعدايلارى مۇشكىل. ولار ەنشىسىندە نەبارى 4 جانە 5 ۇپايدان بار.