شاتتىق سىيلاعان باعدارلاما

ءتورت جىل ىشىندە وسى باعدارلاما ارقاسىندا وڭىردە دارىگەرلەر كومەگىمەن امان-ەسەن دۇنيەگە كەلگەن 412 ءسابي ءوز شاڭىراقتارىن قۋانىشقا بولەسە, قازىرگى ۋاقىتتا 57 ايەل كۆوتا كومەگىمەن ەم قابىلداپ, ءسابي كۇتىپ ءجۇر. وبلىستىق دەنساۋلىق ساقتاۋ باسقارماسىنىڭ دەرەگىنە قاراعاندا, 2021–2024 جىلدار ارالىعىندا اقتوبە وبلىسىندا بەدەۋلىكپەن بەتپە-بەت كەلگەن 1 365 جۇپ كۆوتا السا, بيىلعى جىلدىڭ سوڭىنا دەيىن 170 ەرلى-زايىپتى وسىنداي مۇمكىندىككە قول جەتكىزبەكشى.

بالا دۇنيەگە كەلگەنشە قانشاما سەرگەلدەڭدى باستان كەشىرگەن ەرلى-زا­يىپ­تىلاردىڭ ءتوزىمى مەن سابىرىن تاۋىسا­تىن جاۋاپتى دا ساۋاپتى ءىستىڭ باسى-قا­سىندا جۇرگەن دارىگەرلەردىڭ قىزمەتى ەرەك­شە. اتا-انا بولۋعا اسىققان ەرلى-زا­يىپتىلاردى پسيحولوگيالىق جاعىنان دا­يىندايتىن دا وسى سالانىڭ ماماندارى. بۇل ءسابيلى بولۋعا اسىققان ەر مەن ايەلدىڭ دەن­ساۋلىعىن قالىپقا كەلتىرۋدەن باستاپ, ءسا­بي­دىڭ قۇرساقتاعى دامۋى مەن ءومىر ەسىگىن اش­قانعا دەيىنگى كەزەڭدەرىن قامتيتىن وتە نا­زىك ءارى كۇردەلى قۇبىلىس. باعدارلاما پەرزەنت ءسۇيۋدى ۇزاق ۋاقىت ارمانداعان قان­شاما وتباسىنىڭ شاڭىراعىن بەكى­تىپ قانا قويماي, ەلدەگى دەموگرافيالىق احۋال­دى جاقسارتۋعا دا سەپتىگىن تيگىزىپ وتىر.

اقتوبە وبلىسى