قازاقستاننىڭ «جاسىل» ەكونوميكاعا كوشۋ باعىتىنداعى باستامالارىن قولداي وتىرىپ, «جاسىل دامۋ» اق ەكولوگيالىق قاۋىپسىز تەحنولوگيالاردى ىلگەرىلەتۋگە تاعى ءبىر قادام جاسادى. كومپانيا ەلەكتروندىق قالدىقتاردى قايتا وڭدەۋ سالاسىنداعى جەتەكشى كاسىپورىنداردىڭ ءبىرى «Technic Destroy» جشس-ءنىڭ يننوۆاتسيالىق جوباسىنا رەسمي تۇردە قولداۋ بىلدىرەتىنىن مالىمدەدى, دەپ جازادى Egemen.kz.
ەكولوگيا جانە تابيعي رەسۋرستار مينيسترلىگىنىڭ مالىمەتىنشە, 2009 جىلى قۇرىلعان «Technic Destroy» كومپانياسى بۇگىندە كەڭسەلىك جانە كوممەرتسيالىق تەحنيكانى, سونداي-اق ليتي-يوندى باتارەيالاردى قايتا وڭدەۋ باعىتىندا ەلىمىزدەگى جەتەكشى كاسىپورىنعا اينالدى. كومپانيا ورتالىق ازيادا ليتي-يوندى باتارەيالاردى وڭدەيتىن ارنايى ءوندىرىس جەلىسىن ەنگىزگەن العاشقى ۇيىم رەتىندە تانىمال.
ايتا كەتەيىك, 2024 جىلدىڭ وزىندە كاسىپورىن 3000 توننادان استام باتارەيا مەن ەلەكتروندى جابدىقتاردى قايتا وڭدەپ, قازاقستانداعى ەكولوگيالىق احۋالدىڭ جاقسارۋىنا ەلەۋلى ۇلەس قوسقان.
جوبانىڭ اياسىندا ەنگىزىلگەن ليتي-يوندى باتارەيالاردى وڭدەۋ جەلىسىنىڭ جوبالىق قۋاتتىلىعى ساعاتىنا 300 كگ, ال جىلدىق وڭدەۋ كولەمى 500 توننادان اسادى.
«جاسىل دامۋ» اق تاراپىنان كورسەتىلەتىن قولداۋ — وڭدەۋدىڭ زاماناۋي ءارى ەكولوگيالىق قاۋىپسىز ادىستەرىن ەنگىزۋگە باعىتتالعان. بۇل باستاما قازاقستاننىڭ قورشاعان ورتانى قورعاۋ جانە تابيعي رەسۋرستاردى ۇتىمدى پايدالانۋ ساياساتىنا ساي كەلەدى.
اتالعان ىنتىماقتاستىق ەلەكتروندى قالدىقتاردى باسقارۋ سالاسىنداعى ۇزدىك تاجىريبەلەردى ەنگىزۋگە, جەرگىلىكتى ەكوجۇيەلەردى قورعاۋعا جانە قازاقستاننىڭ ەكولوگيالىق تۇراقتىلىعىن نىعايتۋعا ىقپال ەتەدى.