1941-1945 جىلدارداعى الاپات سوعىسقا 1 ميلليون 200 مىڭنان اسا وتانداسىمىز قاتىستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
رەسپۋبليكانىڭ ءاربىر ءتورتىنشى تۇرعىنى اسكەرگە اتتاندى. مايدان دالاسىندا اتىلعان ءاربىر توعىزىنشى وق قازاقستاندا قۇيىلعان.
سونىمەن قاتار قازاقستانعا 220-دان استام فابريكا مەن زاۋىت كوشىرىلگەن.
ايتا كەتەيىك, تاۋەلسىزدىكتىڭ العاشقى جىلدارىندا بەكىتىلگەن «حالىق قاھارمانى» اتاعىمەن 12 سوعىس ارداگەرى ناگرادتالعان.
بىلتىر پرەزيدەنت قاسىم-جومارت توقاەۆ «ايبىن» وردەنىنىڭ ءۇش دارەجەسىنە حالقىمىزدىڭ ءبىرتۋار باتىرلارى – ساعادات نۇرماعامبەتوۆ, باۋىرجان مومىش ۇلى جانە راقىمجان قوشقارباەۆتىڭ ەسىمدەرىن بەرۋ تۋرالى زاڭعا قول قويدى. بۇل – ەرلىكتىڭ سيمۆولىنا اينالعان باتىرلار ەسىمىن ۇلىقتاۋدىڭ جارقىن مىسالى.
110 قازاقستاندىق «داڭق» وردەنىنىڭ تولىق كاۆالەرى اتانعان.