شەرۋ وتەتىن جەردە قاۋىپسىزدىك پەن باقىلاۋ شارالارى كۇشەيتىلەدى. وعان ەكىنشى دۇنيەجۇزىلىك سوعىسىنىڭ ارداگەرلەرى, تىل ەڭبەككەرلەرى, اسكەري ءىس-قيمىلداردىڭ ارداگەرلەرى, قر قارۋلى كۇشتەرىنىڭ ۇزدىك بولىمشەلەرى, قۇرمەت قاراۋىل روتالارى, قر قارۋلى كۇشتەرىنىڭ, وزگە دە اسكەرلەر مەن اسكەري قۇرالىمداردىڭ, اسكەري قۇقىق قورعاۋ ورگاندارىنىڭ جانە ت.ب. ارداگەرلەرى شاقىرىلعان, دەپ حابارلايدى Egemen.kz.
ەلوردادا 7 مامىردا كونتسەرتتەر مەن اسكەري شەرۋدىڭ تىكەلەي ەفيرى ساعات 11:00-دەن باستاپ ۇلكەن LED ەكرانداردا كورسەتىلەدى. ايتا كەتكەن ءجون, شەرۋ بىردەن بىرنەشە ورىندا كورسەتىلەدى.
«1. ەلوردا اكىمدىگى عيماراتىنىڭ جانىنداعى قالالىق الاڭدا (تىكەلەي ەفير جانە مەرەكەلىك كونتسەرت);
«استانا ارەنا» ستاديونىنىڭ اۋماعىندا (تىكەلەي ەفير جانە مەرەكەلىك كونتسەرت); «Astana Music Hall» اۆتوتۇراق اۋماعى (قۇمىرا) ب.مومىش ۇلى داڭعىلى, 1 (تەك تىكەلەي ترانسلياتسيا)», دەپ حابارلادى ەلوردا اكىمدىگىنىڭ رەسمي سايتى.سونىمەن بىرگە, اتالعان اۋقىمدى ءىس-شارا رەسپۋبليكالىق تەلەارنالاردىڭ تىكەلەي ەفيرىندە كورسەتىلەدى.
سول ورايدا شەرۋ وتەتىن اۋداندا كولىك قوزعالىسى شەكتەلەتىندىكتەن, قوزعالىس باعىتىن الدىن الا جوسپارلاۋ جانە وزگەرىستەردى ەسكەرۋ جانە قۇقىق قورعاۋ ورگاندارى قىزمەتكەرلەرىنىڭ قاۋىپسىزدىك ەرەجەلەرى مەن نۇسقاۋلارىن ساقتاۋ سۇرالىپ وتىر.
«كورسەتىلگەن ۋچاسكەلەردەن ءوتۋ جانە جول ءجۇرۋ بارلىق ءىس-شارا اياقتالعاننان كەيىن قايتا جاندانادى», دەلىنگەن حابارلامادا.