قوتىركول كولىنىڭ جاعالاۋىندا يەسىز تۇرعان كاتاماراندى كوزى شالعان بەس بالا ءتۇن قاراڭعىسىن جامىلىپ, سەرۋەندەمەك بولعان.
جاعالاۋدان قۇرىقسالىم ۇزاپ شىققان سوڭ ءۇش بالا تۇنەرگەن تۇڭعيىقتان قورقىپ, جاعالاۋعا ءجۇزىپ جەتكەن. كاتاماراندا ەكى بالا قالىپ قويادى. ولاردىڭ بىرەۋى مۇلدە ءجۇزۋ بىلمەيدى ەكەن. قاتتى داۋىل كاتاماراندى جاعادان شامامەن 500 مەترگە ۇزاتىپ الىپ كەتەدى. جاعالاۋدا قالعان بالالار قۇتقارۋشىلاردى شاقىرىپتى.
– قۇتقارۋشىلار تەپلوۆيزورلى دروندى قولداندى, – دەيدى وبلىستىق توتەنشە جاعدايلار جونىندەگى دەپارتامەنتىنىڭ رەسمي وكىلى ەرسايىن قويشىباەۆ, – بالالار تەز تابىلىپ, جاعاعا شىعارىلدى. اتا-انالارىنا ەسكەرتۋ جاسالدى. وقىرمانداردىڭ ەستەرىنە سالا كەتەيىك, سۋ ايدىندارىندا قاۋىپسىزدىك قاعيدالارىن بۇزعان نەمەسە ورىنداماعان جەكە تۇلعالارعا جەتى ايلىق ەسەپتىك كورسەتكىش كولەمىندە ايىپپۇل سالۋ كوزدەلگەن.
سەرۋەندەيمىن دەپ سەرگەلدەڭگە ۇشىراعان بالالاردىڭ كورەر جارىعى بار ەكەن. ءبىر قاۋىپتەن امان قالدى.
اقمولا وبلىسى,
بۋراباي اۋدانى.