2023–2024 جىلدارى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ №2 مامانداندىرىلعان حقكو باسشىسى ج.ر. مۋراشيموۆ جانە بىرقاتار لاۋازىمدى تۇلعالار تەوريالىق جانە پراكتيكالىق ەمتيحانداردان وتپەي-اق جۇرگىزۋشى كۋالىگىن بەرۋ سحەماسىن ۇيىمداستىرعان. بۇل قىزمەتتىڭ «قۇنى» 150 مىڭنان 400 مىڭ تەڭگەگە دەيىن جەتكەن, دەپ حابارلايدى Egemen.kz.
قارجىلىق مونيتورينگ اگەنتتىگىنىڭ مالىمەتىنشە, 500-دەن استام ادام زاڭسىز جولمەن جۇرگىزۋشى كۋالىگىن العان.
«قازىرگى تاڭدا تەرگەۋ اياسىندا 200 ملن تەڭگەدەن استام سوماعا باعالانعان كۇدىكتىلەردىڭ مۇلكىنە - 2 جەكە ءۇي, 2 پاتەر, 2 جەر تەلىمى جانە 10 اۆتوكولىككە تاركىلەۋ ماقساتىندا تىيىم سالىندى. سوتتىڭ سانكتسياسىمەن 12 كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى قولدانىلدى», دەلىنگەن حابارلامادا.
قىلمىستىق ءىس بويىنشا تەرگەۋ جۇمىستارى جۇرگىزىلىپ جاتىر.