استاناداعى «جاستار» سارايىندا 1 مامىر – قازاقستان حالقىنىڭ بىرلىگى كۇنىنە ارنالعان مەرەكەلىك كونتسەرت ءوتىپ جاتىر, دەپ حابارلايدى Egemen.kz ەلوردا اكىمدىگىنىڭ سايتىنا سىلتەمە جاساپ.
ء«ىس-شارا اياسىندا ەلىمىزدە تۇراتىن ءتۇرلى ەتنوستاردىڭ مادەنيەتى مەن ونەرىن كورسەتەتىن ارنايى كورمە ءوتىپ جاتىر. ءتۇرلى ۇلت وكىلدەرى كورمەگە كەلۋشىلەرگە سالت-ءداستۇرىن, مادەنيەتىن, ۇلتتىق تاعامدارىن پاش ەتەدى. ودان كەيىن بۇل شارا مەرەكەلىك كونتسەرتپەن جالعاسادى. سونىمەن قاتار ءبىز شاقىرىلعان قازاق ەستراداسىنىڭ ءانشىسى ۇشقىن جامالبەك جانە «جاستار» سارايىنىڭ شىعارماشىلىق ۇجىمى ونەر كورسەتەدى. سونداي-اق جۇمىسشى ماماندىقتارى جىلى مەن جەڭىستىڭ 80 جىلدىعىنا ارنالعان ارنايى شىعارىلىمدار بار», دەدى «جاستار» سارايىنىڭ باق ءبولىمىنىڭ باسشىسى.
بۇگىنگى شارانى استانا قالالىق مادەنيەت باسقارماسى ۇيىمداستىرىپ وتىر.
مەرەكەلىك كونتسەرتتە «دارىن» مەملەكەتتىك جاستار سىيلىعىنىڭ لاۋرەاتتارى زارينا بوجاقوۆا, الىبەك الماديەۆ جانە تاتيانا كيم, سونداي-اق شارانىڭ ارنايى قوناعى قۇرماش ماحان ونەر كورسەتەدى.
«قازاقستان حالقىنىڭ بىرلىگى كۇنى – ءتۇرلى ەتنوس وكىلدەرى ءبىر شاڭىراق استىندا تاتۋ-ءتاتتى ءومىر ءسۇرىپ جاتقان بەيبىت جانە مىزعىماس مەملەكەتتىڭ سيمۆولىنا اينالعان مەرەكە, بۇل ۇلتتىق بىرلىگىمىزدىڭ بەرىكتىگىن, كوپۇلتتى قوعامىمىزدا ءوزارا سىيلاستىق پەن سەنىمنىڭ تەرەڭدە جاتقانىن كورسەتەدى», دەپ اتاپ ءوتتى «جاستار» سارايىنىڭ باق ءبولىمىنىڭ باسشىسى ءدىلناز مۇرات.
كورمە قوعامداعى دوستىق پەن كەلىسىمدى نىعايتۋعا جانە ۇلتتىق سالت-ءداستۇردىڭ باي مۇراسىن ناسيحاتتاۋعا ارنالعان.