ءۇش بالانىڭ اناسى ايگ ۇلىم اقاتاي «اۋىل اماناتى» باعدارلاماسى اياسىندا 6,6 ملن تەڭگە كولەمىندە جەڭىلدەتىلگەن نەسيە الىپ, ىرعىز ەلدى مەكەنىندە ناۋبايحانا اشتى. قازىر ايگ ۇلىمنىڭ «رايانا» ناۋبايحاناسىندا پىسىرىلگەن نان ونىمدەرى دۇكەن سورەلەرىنە جەتكەن بويى ساتىلىپ كەتەدى.
ول ءبىر ناننىڭ باعاسىن 180 تەڭگەدەن ساۋدالاپ, كۇنىنە تاڭەرتەڭگىلىك 250 بولكەنى پەشتەن شىعارىپ تاراتادى.
جەكە كاسىپپەن اينالىسۋ تۋرالى شەشىمگە كەلگەن بويدا جوبا ازىرلەپ, مەملەكەتتىك باعدارلامانىڭ قولداۋىنا ارقا سۇيەگەن. الداعى ۋاقىتتا نان ونىمدەرىنىڭ ءتۇر-ءتۇرىن ءپىسىرۋدى دە قولعا الماقشى. ول مەملەكەتتىك باعدارلاما ارقىلى العان قاراجاتتى تۇگەل نان پىسىرەتىن پەش پەن جابدىقتار الۋعا جۇمساعان.
جۇمىسىن جولعا قويعاننان كەيىن وزىنە كومەكشى رەتىندە ءبىر ادامدى جۇمىسقا قابىلدايدى. جەكە كاسىبىن اشىپ, ارمانىن جۇزەگە اسىرعان ايگ ۇلىم اقاتايدىڭ تاجىريبەسى اۋىلداعى جۇمىسسىز قىز-كەلىنشەكتەرگە جاقسى ۇلگى. ىرعىز اۋدانىنا جۇمىس ساپارى كەزىندە ناۋبايحانا جۇمىسىمەن تانىسقان ءوڭىر باسشىسى اسحات شاحاروۆ سۇيىكتى ءىسىن تابىس كوزىنە اينالدىرىپ, سالىق تولەپ, قوسىمشا جۇمىس ورىندارىن اشاتىن بەلسەندى ايەلدەر قاتارىنىڭ كوبەيۋى ەلدى مەكەندەردىڭ دامۋى ءۇشىن وتە ماڭىزدى ەكەنىن اتاپ ءوتتى.
ىرعىز اۋدانىنىڭ اكىمى نۇرلان قىزبەرگەنوۆتىڭ حابارلاۋىنشا, بىلتىر «اۋىل اماناتى» باعدارلاماسى اياسىندا 479,69 ملن تەڭگەگە 73 جوبا ماقۇلدانعان. ونىڭ ىشىندە ىرعىز اۋىلدىق وكرۋگىندە 32 ادام مەملەكەتتىك باعدارلاما ەسەبىنەن جەڭىلدەتىلگەن نەسيەگە قول جەتكىزگەن.
بيىل 30 ملن تەڭگەنىڭ 3 جوباسى ماقۇلدانسا, قالعاندارىنىڭ قۇجاتتارى راسىمدەلىپ جاتىر.
اقتوبە وبلىسى