قوستانايلىق سوعىس ارداگەرى اندرەي شاروۆ كۇنى بۇگىنگە دەيىن قىلقالام ۇستاپ, سۋرەت سالادى. 99 جاستاعى قارت مايدانگەر ءوز تۋىندىلارىنا قاراپايىم كارتون مەن ارزان بوياۋلاردى پايدالانادى.
قىلقالام شەبەرىنىڭ قولىنان شىققان كوركەم دۇنيەلەردىڭ قاتارىندا مايدان سۋرەتتەرى, الەمگە تانىمال كارتينالاردىڭ كوشىرمەلەرى, پەيزاجدار, ءار كەزدە جەرگىلىكتى باسىلىمداردا جاريالانعان كاريكاتۋرالار بار. ارداگەردىڭ ەڭبەك, بەيبىتشىلىك, جەڭىس تاقىرىبىنا سالعان پلاكاتتارى مۋزەيدە ساقتاۋلى تۇر.
اندرەي ياكوۆلەۆيچ 1943 جىلى 17 جاسىندا اسكەرگە الىنىپ, باتىس ۋكرايناداعى 88-شەكارا وتريادىندا راديست قىزمەتىن اتقارادى. پارتيزاندار مەن بارلاۋشى توپتار اراسىندا بايلانىس ورناتىپ, تالاي ماڭىزدى وپەراتسيانىڭ ءساتتى ۇيىمداستىرىلۋىنا اتسالىسادى. سوعىستان كەيىن دە 1950 جىلعا دەيىن شەكارا قىزمەتىندە بولادى. 1956 جىلى قوستانايداعى تۇرمىستىق فابريكاعا سۋرەتشى بولىپ جۇمىسقا تۇرادى.
«وكوپتا جاتىپ قاعازعا قارا قارىنداشپەن سالعان سۋرەتتەرىمنىڭ كوبى جوعالىپ كەتتى. ۇيدە سوعىستا سالعان ءبىراز ەسكيزىم ساقتاۋلى تۇر. ءورت سوندىرۋشىلەردىڭ ەرلىگى بەينەلەنگەن كارتينالارىم دا بار», دەيدى مايدانگەر.
قوستاناي وبلىسى