الەۋمەتتىك جەلىدە اتىراۋ تۇرعىنىنىڭ قۇلدىقتا بولعانى تۋرالى ۆيدەو تاراعان ەدى. وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, وسى اقپاراتقا بايلانىستى تەكسەرۋ جۇرگىزىلدى, دەپ حابارلايدى Egemen.kz.
پوليتسيا قىزمەتكەرلەرىنىڭ تەكسەرۋى كەزىندە 54 جاستاعى ەر ادامنىڭ قۇلدىقتا بولعانى انىقتالماعان.
«الەۋمەتتىك جەلىدە تاراعان اقپاراتقا بايلانىستى جەدەل انىقتاۋ-تەكسەرۋ جۇرگىزىلدى. سونىڭ ناتيجەسىندە 1971 جىلعى ەر ادامنىڭ ەش جەردە ءماجبۇرلى تۇردە نەمەسە قۇلدىقتا بولعانى راستالمادى. پوليتسيا قىزمەتكەرلەرى اتالعان ازاماتتىڭ تۇرعىلىقتى مەكەن-جايىنا بارىپ, تۋىستارىمەن اڭگىمەلەستى. الەۋمەتتىك جەلىدەگى اقپاراتتىڭ جالعان ەكەنى بەلگىلى بولدى», دەلىنگەن دەپارتامەنتتىڭ حابارلاماسىندا.